خرابوونا رەوشێن خزمەتگوزاریێ لسەرانسەری رۆژئاڤایێ كوردستانێ

ارك نیوز.. لسەرانسەری رۆژئاڤایێ كوردستانی رۆژ ب رۆژ رەوشا خەلكێ خرابتر و ئالۆزتر دبە ، ئەوژی ب بسەدەما خرابوونا رەوشێن خزمەتگوزاریێ بگشتی ...

ل تەڤایا باژارێن كوردی لرۆژئاڤایێ كوردستانی چێ ل حەسەكێ ، قامشلۆ ، عامودێ دربێسیێ بە یان دێریكێ و هن دەڤەرێن دنبە رەوش گەلەكی خرابە هەم ژبەر پەیدابوونا كریزا ئلكتریكی كو ئەڤە دەمەك چیبوویە و ئلكتریك لسەر خەلكێ هاتیە برین هەڤدەمی بلندبوونا پلەیین گەرمی كو حەتا نها ئەڤ كریز نەهاتیە چارەسەركرن ،

هەم ژی دەركەتنا كریزا ئاڤێ لباژارێ حەسەكێ یێ رۆژئاڤایێ كوردستانێ كو د حەفتەكێ دە جارەكی ئاڤ پەیدادبە كو ئەڤ یەك هشت خەلكێن باژارێ حەسەكێ د رەوشەكە خراب دە دەرباس ببن و ب زەحمەتی دەربارا ژیانا خوە بكن و هن ژوان ژی نەچار دبن كو ئاڤێ بكرن ژبەر پێویستیا وان ب ئاڤێ گەلەكی هەیە بتایبەتی كو نها وەرزێ هاڤینی یە و ئاڤ كەلەكی تێ بكارئانین ،

ل ئالیەكی دنژی ژبلی بەیدابوونا هەردوو كریزێن ئاڤ و ئلكتریكی نها ژی كريزا نەبوونا نان , وكێمبوونا ئارد دەركەتیە .

ژێدەرێن خوەجهی ژ رۆژئاڤایێ كوردستانێ تایبەت ژ ئاركێ رە راگەهاندن كو جارەكە دن كریزا نەبوون وگرانبوونا نان ل رۆژئاڤایێ كوردستانێ وب تایبەتی ل باژارێ قامشلۆ دەركەتیە.

وەكە ژێدەرێن خوەجهی دانەزانین كو ژ بلی گرانبوون ونەبوونا نان , ئارد ژی ل باژارێ قامشلۆ كێمبوویە وب نەرخەكی گران ژ بۆ نانخانەیان تێ فرۆتن.

هەروەها ژێدەران دازانین كو خوەدانێ نانخانەیان رازی نابن كو كار بكن ژ بەر گرانیا نەرخێ ئارد , وكێمبوونا نەرخێ نان كو هاتیە دەستنیشانكرن .

ئەڤ كریزا كو دوبارە ل رۆژئاڤایێ كوردستانێ دەركەتیە د دەمەكێ دە تێ كو ئەڤە بوویە چەند رۆژن دەم سالا چنینا گەنم ب داوی هاتیە , ورێڤەبەریا پەیەدە ب هەزاران تەنێ گەنم ژ جۆتكاران كریە.

264