شانده‌كه ئەنەكەسێ ره‌وشا په‌نابه‌ران ب پارێزگارێ هه‌ولێرێ ره گۆتووبێژ كر
شانده‌ك ژ ئە‌نجوومه‌نا نشتیمانی یا كوردی ل سووریێ, سه‌ردانا پارێزگه‌ها هه‌ولێرێ كر, ل گه‌ل پارێزگارێ هه‌ولێرێ ئۆمید خۆشناو جڤینه‌ك ل دار خست.
شاندا ئەنەكەسێ ژ در. عبدالحكیم بشار, جیگرێ سه‌رۆكێ هه‌ڤپه‌یمانیا نشتیمانی یا ئوپۆسزیۆنا سووریێ, و ابراهیم برو, ئەندامێ ده‌سته‌یا دانووستانكارا سووریێ پێك دهات.
هه‌ر دو ئالیان به‌هسا ره‌وشا په‌نابه‌رێن رۆژئاڤایێ كوردستانێ, ل هه‌رێما كوردستانێ نه‌خاسم یێن ل ناڤا كامپان ب تایبه‌ت كامپا داره‌شه‌كرانێ كر.
ئۆمید خۆشناو ته‌كه‌زی ل سه‌ر وێ یه‌كێ كر ئەوێ ب هه‌ر هه‌وله‌كێ رابن دا كو خزمه‌تا په‌نابه‌ران بكن.
د 23یێ مه‌ها بووری هه‌مان شاندێ هه‌ڤدیتنه‌ك ل گه‌ل مه‌سروور بارزانی سه‌رۆكێ حكوومه‌تا هه‌رێما كوردستانێ ئەنجام دابوو
2185
