ئەنەكەسێ بریار وكریارێن پەیەدێ ل دژێ گەل شەرمەزار كرن
ئهمینداریا گشتی یا ئەنجوومهنا نشتیمانی یا كوردی ل سووریێ, بریارا پەیەدێ ژ بلندكرنا نرخێن سۆتهمهنیێ ره شهرمهزار كر, و بانگ ل شێنیێن كورد كر كو بهشداری د مانگرتنا سبا ده بكن.
ئهنەكەسێ د داخویانیا خوه ده وهها گۆتیه: ههڤدهمێ, خهرابوونا رهوشێن ئابۆری و ژیانا رۆژانه, ل با تاڤهیا سووریان, دهردهسهریا وهلاتیێن ههموو پێكهاتهیێن د دهڤهرێن كو رێڤهبهریا پەیەدێ, ب رێ ڤه دبه, بهردهوام دكه, ژ بهر سیاسهتێن كو دمهشینه, هێڤیێن خهلكێ ئاستهنگ كریه وهین زهحمهتر دكه, ب ههزاران ژ جوانێن كو ب ئاخا خوه ڤه گرێدایی نه, دهریێن خوهندنێ ل پێش وان هاتنه گرتن, رهوشهكه دهرۆنی و دژوار ل با وان ئافراندیه.
ئهنەكەسێ دایه زانین كو هین ژی فشار و كریارێن گرتنێ د دهرمافێ ئالیگر و ئەندامێن ئەنوكەسێ ده بهردهوام دكن, ل ئالیهكی دن ئاستا سهپاندنا باجان, زێده كرنه, نهخاسم رێڤهبهریا پەیەدێ, نرخێ مازۆتێ بلند كر, كو ب وێ یهكێ نرخێ ههر كهلووپهلهكێ سهرباری كریا ڤهگوههستنێ دێ پێ ره بلند ببه, ئەو ژی دێ ب نهرێنی ل سهر ژیانا وهلاتیان ڤهگهره, و بارگرانیهكه دن ل سهر ملێ وان زێده بكه, ل ئالیهكی دن, دێ باندۆرا خوه ل سهر جۆتكاران و بهرههمێن چاندینێ د دابینكرن و پهیداكرنا مازۆتێ ده بكه, لهوما دێ نهچار ببن, ب نرخهكی گران ل بازاران بكرن, دێ دلگرانی و مهترسی ل سهر پێشهرۆكا وان چێ ببن, لەوما ژ بلی بژاردهیا كۆچبهریێ ل پێش وان نامینه.
ئهنەكەسێ د داخویانیا خوه ده, گۆتیه كو ههڤدهمێ, ههر كریارهكێ د دهرمافێ چالاكڤان و ئەندامێن ئەنەكەسێ ژ گرتنێ ههر وهها ئارمانجكرنا ژێدهرا نانێ وان و برچیكرنا وان ب ههر ئاوای, شهرمهزار دكه, د ههمان دهمێ ده, بریارا بلندكرنا نرخێ مازۆتێ رسوا و شهرمهزار دكه, كو مازۆت وهكه یهك ژ ژێدهرێن پهترۆلا خوهجهی یه و دڤیابوو, ژ بۆ پشتهڤانیا كهرهستێن سهرهكی ژ ژیانا خهلكێ ره دابین بكه نه ببه بارگرابیهك دن.
ئهنەكەسێ, خوهپێشاندانێن نهرزایبوونێ كو ل دژی بریارا ستهمكار و سیاستهنێن دژبهری وهلاتیان, دهركهتنه, بلند نرخاندن, ههر وهها بانگ ل پەیەدێ كر كو رێزێ ل مافێ گهل د ژیانهكه ئازاد و خوهش ده بكه, ژ بریار خوه ڤهگهره.
د داویا داخویانیا خوه ده بانگ ل ههموو ئالیێن سیاسی ورێخستنێن جڤاكا سڤیل و وهلاتیێن كر كو بهشداری د مانگرتنا سبا ل پێش بارهگهها نهتهوێن یهكگرتی ده بكن و ل دژی بریارێ دهركهڤن.
3533
