25 رۆژن رۆژنامەڤان برزان حسێن وجنێد سەید مەجید گرتی نە

25 رۆژن ھەر یەک ژ بارزان حسێن، رۆژنامەڤان د پارتیا دەمۆکرتا کوردستان – سووریا، پەدەکەسێ و جنێد سەید مەجید ئەندامێ ئەنجوومەنا ھەرێمی یا ھەمان پارتیێ، ژ ئالیێ چەکدارێن پەیەدێ ل گرکێ لەگێ گرتی نە، و تا نھا دەنگووباسێن وان تونە نە.

ھەر دو ناڤبووری د 15 تەباخێ دە ل گرکێ لەگێ یێ ب سەر دێرکا رۆژئاڤایێ کوردستانێ ڤە ھاتنە گرتن، بێ کو تۆمەتەک ئاراستەی وان بکن، ب شێوەیەکی ھۆڤانە ئەو گرتنە و بن چاڤ کرنە.

ژ رۆژا کو ھاتنە گرتن، ھەژمارەک ژ ئالیێن سیاسی، رێخستنێن مرۆڤی بانگ ل رێڤەبەریا پەیەدێ کرنە کو وان سەربەست بەردن، لێ تا نھا ئەو بانگ و داخویانی و لێدوان پاشگوھ کرنە و چارەنڤیسا وان نە دیارە.

ئەنجوومەنا نشتیمانی یا کوردی ل سووریێ د داخویانیەکا خوە دە، ب توندی ئەڤ کریار شەرمەزار کرن، و گۆت کو ئەڤ کریار د چارچۆڤەیا سیاسەتا ترساندنا وەلاتیان و توندکرنا رەوشا ئەولەھیێ ل سەر گەل دا کو کەس ب چ لڤ و تەڤگەرەکێ رانەبە، تێن، د ھەمان دەمێ دە بانگ ل هەموو ئالیێن ناڤدەولەتی و رێخستنێن مافێ مرۆڤان کر کو دەستێوەردانێ بکن و رێ ل بنپێکرن و کریارێن گرتنا د دەرمافێ وەلاتی و چالاکڤانان دە بگرن.

ژ ئالیێ خوە ڤە کۆمبەندا رۆژنامەڤانێن سووریێ، پشتەڤانیا خوە ژ بۆ ھەڤکارێ خوە دا زانین و بانگا سەربەستبەردانا وی و پاراستنا ھەر رۆژنامەڤان و راگھاندکارەکی کر.

ھەر وەھا، یەکیتیا نڤیسکارێن کوردستان – سووریا و یەکیتیا گشتی یا نڤیسکاران و رۆژنامەڤانێن کورد، سەرباری ھەژمارەک ژ رێخستنێن مافێ مرۆڤان د داخویانیێن جودا دە، بانگ کر رێزێ ل کارێ رۆژنامەگەری بگرن و دەست ژ کریارێن گرتنێ بەردن.

3274