سهرۆك بارزانی: كیمیابارانكرنا ههلهبچه برینهكه كووره
آرك نيوز... ئیرۆ 16ێ ئادار 2020، سهرۆك مسعود بارزانی د سالڤهگهرا كیمیابارانكرنا ههلهبچه نامهیهك ل سهر رووپهلا خوه یا تایبهت ل تويتهرێ بهلاڤ كر.
سهرۆك مسعود بارزانی د نامهیه خوه ده گۆت كو كیمیابارانكرنا ههلهبچه بهردهوامیا وان زنجیره تاوان و كارهساتان بوو كو دژمن ژ بۆ چهوساندن و نههشتنێ د دهربارێ گهلێ كوردستانێ ئەنجام دا. ب سهدهما قوربانیدان و مهزلوومیهتا ههلهبچهیێ شههید, جیهان زێدهتر ئێش و ژانێن گهلێ كوردستانێ تێگهشت.
سهرۆك سهربار كر كو: كیمیابارانكرنا ههلهبچه برینهكه كووره ل سهر لاش و جهستهیێ گهلێ كوردستانێ و تو جاری نایێ ژبیركرن. مافێ گهلێ كوردستانێ یه داخوازا قهرهبوویێ ژ دهولهتا عيراقێ بكه. پێویستە ژی ئێدی حكوومهتا عيراقێ ڤێ یهكێ پشتگوه نهخه و قهرهبوویا كیمیاباران و ئەنفالكریان بكه.
سهرۆك بارزانی ب گۆتنا نهمری و سهربلندی ژ بۆ شههیدێن ههلهبچه و ههموو شههیدێن رێیا ئازادیێ نامهیا خوه بداوی ئانی.
ش.ع
566
