ل عەفرینێ وەلاتیەكی كورد ل سەر دەستێ چەكداران هاتە شەهیدكرن
سەرێ سبەها ئیرۆ وەلاتیەكی كورد بتەمەن ل گوندێ مەیدانكێ یێ ناڤچەیا شەرا یا عەفرینا رۆژئاڤایێ كوردستانێ دەما هەولددا رێگریێ لبەر دزان لگوندێ خوە بگرە، شەهیدبوو.
ل گۆری ژێدەرنە خوەجهی كو وەلاتیێ بناڤێ عەدنان رەشید ئەمیر سەرێ سبەها ئیرۆ ژ ئالیێ گرووپەكە كو هەولا دزیێ دكر، راستی گولەیەكێ هات و ژیانا خوە ژدەست دا.
ل سەر ڤێ بویەرێ رەوانگەها سووریێ یا مافێ مرۆڤان بەلاڤكریە كو گرووپەكێ هەولددا سەرێ سبەها ئیرۆ دزیێ بكە، وێ دەمێ عەدنان لسەر دەنگێ وان دزان دەركەت و هەولا رێگریێ ل وان كر، لێ چەكداران گولەیك بەردان سەرێ عەدان و یەكسەر ژیانا خوە ژدەست دا.
رەوانگەهێ هەروەها گۆت كو ئەو وەلاتیێ بتەمەن، بخوە خوەدی جاڤنە لاواز و نەخوەش بوو و باش نەددیت، و دوه ژی راستی هەولكە دزیا تراكتۆرا وی ژی هاتبوو لێ ئەو هەول بسەر نەكەتبوو.
ل ئالیەكی دن و لگۆری رێخستنا مافێ مرۆڤان ل عەفرینێ كو رێبەندا چەكداران ب تەنێ 200 مەتەرەیان دووری جهێ وێ بوویەرێ بوو.
رێخستنا بناڤێ سووریێن ژبۆ راستی و دادوەریێ ژی بەلاڤكربوو كو د مەها ئەیلوونا بۆری دە 127 حالەتێن گرتنێ ل عەفرینێ هاتنە ئەنجامدان، دناڤ وان دە 17 ژن و زارۆك ژی هەبوون.
449
