بەشار ئەمین : رێژەیا كوردان د كۆمیتەیا دەستووری دە نە ل گۆری خوەستەكێ یە

آرك نيوز...ئەندامەكی پۆلیبیرۆیا پارتیا دیموكراتا كوردستان سووریا دبێژە كو هەبوونا كوردان د كۆمیتەیا دەستووری دە نە ل گۆری ژمارەیا كوردانە ل كوردستانا سووریێ , وئاماژە ب وێ چەندێ دا كو تەڤایا ئالیێن ناڤدەولەتی پشتەڤانیا مافێن پێكهاتەیان ل سووریێ دكن , ود ناڤ واندە مافێن كوردان .

بەشار ئەمین ئەندامێ پۆلیتبیرۆیا پارتیا دیموكراتا كوردستان سووریا راگەهاند كو د جڤینێن داوی دە یێن شاندا ئەنجوومەنا نشتیمانیا كورد لسووریێ ل گەل بەرپرسیارێن وەلاتێن ناڤدەولەتی , تەكەزی ل سەر پشتەڤانیا مافێن كوردان د سووریا نوودە هاتیە كرن , وپێویستە ئەو ماف د دەستوورا نوودە وەرنە چەسپاندن .

هەروەها ئەمین گۆت كو هینا ئەنجوومەنا نشتیمانیا كورد ل سووریێ پشتەڤاینا چارەسەركرنا كریزا سووریێ ل گۆری بریارێن ناڤدەولەتی دكە وب تایبەتی بریارا ئەنجوومەنا ئەولەهی بیست ودۆ پێنجی وچار .

دەربارێ هەلوێستا رژێما ئەسەد وئۆپۆزسیۆنا سووریێ ژ بۆ مافێن كوردان , ئەندامێ پۆلیتبیرۆیا پەدەكەسە گۆت كو ئەز باوەرناكم نە رژێما ئەسەد ونە ئۆپۆزسیۆنا سووریێ ل هەمبەر مافێن پێكهاتەیێن سووریێ راوەستن , لێ ئەگەر هەیە هەلوێستا وان نە د ئاستێ پێویستە بە , ونە ل گۆری داخوازێن كوردان بە .

دەربارێ هەبوونا كوردان د كۆمیتەیا دەستووری دە بەشار ئەمین گۆت كو هەبوونا كوردان د كۆمیتەیا دەستووری دە نە د ئاستێ پێویستە دەیە , وئەو ژمارە نە لگۆری ژمارەیا كوردانە ل كوردستانا سووریێ , لێ یا گرینگ ئەوە كو نوونەرێن كوردان د كۆمیتەیا دەستووری دە بكاربن مافێن كوردان د دەستوورا نوودە ب چەسپێنن , وژ بۆ ڤێ چەندێ پێویستە تەڤایا ئالیێن كوردی پشتەڤانیا وان بكن

757