پێدرسۆن: كورد دناڤا كۆمیتەیا دەستووری یا سووریێ دە هەنە

شاندەیێ تایبەت یێ نەتەوەیێن یەكگرتی گێر پێدرسۆن گۆت كو دناڤا كۆمیتەیا دەستووری یا سووریێ دە نوونەر ژ كوردێن سووریێ و هەموو پێكهاتەیێن جڤاكا سووریێ هەنە.

د لێدوانەكە تایبەت دە ژبۆ ئاژانسا سپۆتنیك یا رۆسی پیدەرسۆن گۆت: من هەژمارا ئەندامێن كۆمیتەیا دەستووری ژ ئالیێ پێكهاتەیان ڤە نەژمارتنە لێ ئەز دكارم ببێژم كو كورد دناڤا كۆمیتەیێ دە هەنە.

پێدەرسۆن هەروەها دەربارێ نەبەشداریكرنا پارتیا یەكیتیا دیموقراتیك پ ی د د وێ كۆمیتەیێ دە گۆت ئەز دەرباسی ڤان گەنگەشەیان نابم و نەژی دەرباسی هورگولیێن وێ مژارێ، لێ مە كاری چینەكە مەزن ژ پێكهاتەیێن جڤاكا سووریێ مل بملێن هەڤ د كۆمیتەیا دەستووری دە هەروەها كەسنە خوەدی نەریننە جودا جودا ژی بەشدار بكن.

پێدەرسۆن ئەشكەرە كر كو جڤینا یەكەم یا كۆمیتەیا دەستووری وێ ب ئامادەبوونا هەموو پێكهاتەیێن خوە بە ئانگو سەد و پێنجی ئەندام، پشترە ژی وێ جڤینا گرووپا بچووك بە ئانكو چل و پێنج ئەندام، و گۆت پرسا لڤر دەردكەڤە هۆلێ ئەوە كو چەند دەم پێویستە داكو گرووپا چل و پێنج ئەندام لهەڤ كۆمببن و دێ چەند جڤینان لداربخن و گۆت ژی جڤینا یەكەم وێ لجنێڤێ بە.

دەربارێ ئەرێكرن ل سەر هەر بریارێ، پێدرسۆن گۆت دەما كۆدەنگی لسەر مژارەكێ نەوە ئەنجامدان وێ دەمێ گەرەك ئەرێكرنا 75 ژسەدێ ژ ئەندامان ئەرێ بكن ئانكو ئەرێكرنا 113 ئەندامان.

رۆژا 23ێ ڤێ مەهێ ئەنتۆنیۆ گۆتیرێس ئەمیندارێ گشتی یێ نەتەوەیێن یەكگتری راگهاند كو كۆمیتەیا دەستووری یا سووریێ ب سەركەفتی هات دامەزراندن

455