كەسایەتیا نشتیمانپەروەر موستەفا سمگەمۆر كۆچا داویێ كر- ژیانامە

ارك نیوز...ئیرۆ دوشەمێ بیست و سێیێ ئەیلوونا دوهەزار و نۆزدەهانكەسایەتیا نشتیمانپەروەر ناسكری ب موستەفا سمگەمۆر پشتی نەخوەشیەكە گران كۆچا خوە یا داویێ كر و ل گۆندێ خوە مەزرێ یێ سەر بدێركا رۆژئاڤایێ كوردستانێ ڤە بخاكێ هات سپارتن.


موستەفا ئسماعیل حاجی، بـ موستەفایێ سمگەمۆر تێ ناسكرن، ژدایكبوویێ گوندێ عێن دیوەرێ یێ سەر بدێركێ ڤە یە سالا 1943ان" خەلكێ گوندێ مەزرێ یێ سەر بدێركێ ڤە یە، و یەك ژ كەسایەتیێن نشتیمانپەروەرە لسەر ئاستا رۆژئاڤایێ كوردستانێ و هەرێما كوردستانێ، ب هەلوەست و خزمەت و خەباتا خوە ژبۆ دۆزا كوردی تێ ناسكرن.


سمگەمۆر د دەستپێكا دامەزراندنێ دە سالا 1957ان تەڤلی رێزێن پارتیا دیموقراتا كوردستان سووریایێ بوویە و پشتەڤان و پالپشتێ شۆرەشا ئەیلوون و گولانێ بوویە، و گەلەك جاران سەرەدانا هەرێما كوردستانێ كریە و بـ نەمر مەلا موستەفایێ بارزانی رە دجڤیا.



سمگەمۆر پشتەڤانیا شۆرەشا گولانێ دكر و ژ سپاسی ژبۆ وی ژ ئالیێ شەهیدێ هەردەم ساخ ئدریس بارزانی ڤە هات پێشكیشكرن، دەریێ مالا خوە ژبۆ پێشمەرگەیان ل گوندێ مەزرێ ڤەكربوو و پشتەڤانیا وان ژی دكر و مالا وی بوبوو وەكە ناڤەندەكە ڤەحەواندنا پێشمەرگە ژبۆ چوون و هاتنا وان ناڤبەرا باكور و باشوورێ كوردستانێ دە.


موستەفا سمگەمۆر هەروەها خوەدی رۆلەكە گرنگ بوو د پشتەڤانی و پالپشتیا سەرهلدانا 1991ێ و زارۆیێن خوە ژی لسەر حەزكرنا كوردایەتی و رێبازا بارزانیێ نەمر پەروەردەكرن، گەلەك جارانه ژی هاتیە گرتن و زیندانكرن، جارا داویێ ژی سالا 1985ان ل حەلەبێ ب تۆمەتا پشتەڤانیا پێشمەرگە و شۆرەشێ.

رۆژا دوشەمبێ 23 ئەیلوونا 2019ان ل نەخوەشخانەیەكە شاما پایتەختا سووریێ ژبەر نەخوەشیەكە گران كۆچا خوە یا داویێ كر، و ل گوندێ خوە مەزرە بخاكێ هات سپارتن.

601