داعش 145 په‌نابه‌رێن فه‌له‌ستينى ل كامپا يه‌رموك كوشتن
بو بونه‌یا ژناڤبرنا رێخستنا داعشێ گروپا كار ژ بو فله‌ستینیێن سووریێ راگهاندن كو وان كوشتنا 145 په‌نابه‌رێن فله‌ستینى ل سه‌ر ده‌ستێ چه‌كدارێن داعشێ ل كامپا یه‌رموك تومار كرنه .
گروپا كار ژ بو فله‌ستینیێن سووریێ راگهاندن كو ئه‌و 145 په‌نابه‌رێن فله‌ستینى د ده‌ما ناڤبه‌را نیسانا 2015ان هه‌تا 18 نیسانا 2018ان هاتنه كوشت كو د وێ ده‌مێ ده چه‌كدارێن داعشێ كامپا الیه‌رموك كونترول دكرن .
راپورتا ناڤبوری ئه‌شكه‌ره كر كو ئه‌و 145 په‌نابه‌رێن كو هاتن كوشتن 67 كه‌س ژ وان ب گوله‌یان هاتن كوشتن و 24 ب گوله‌یێن سه‌كڤانان هاتن كوشتن و 22 ژ به‌ر دورپێچێ وكێمبونا پیداویستیێن ته‌ندروستی ژیانا خوه ژ ده‌ست دان و18 كه‌س ژ به‌ر توپارانێ ژیانا خوه ژ ده‌ست دان و 9 كه‌س هاتن سێدار كرن و 2 كه‌س هاتن ته‌رور كرن ویه‌ك د ئه‌نجاما ته‌قینه‌كێ ده ژیانا خوه ژ ده‌ست دا ویه‌ك هاته سوتاندن ویه‌ك دیار نه‌بو چاوا ژیانا خوه ژ ده‌ست دا .
به‌ریا نه‌ها ژی گروپا ناڤبوری راگهاندبون كو 3920 په‌نابه‌رێن فله‌ستینى ل سووریێ د حه‌فت سالێن شوره‌شێ ده ژیانا خوه ژ ده‌ست دان كو دناڤ وان ده 478 ژن هه‌بون هه‌روه‌ها ب سه‌دان ژ وان د زندانێن رێژیما ئه‌سه‌د ده ژ به‌ر ئه‌شكه‌نجێ ژیانا خوه ژ ده‌ست دان وهین ب سه‌دان وندانه وكه‌س چاره‌نڤیسا وان نزانه .
295
