مسر رێنەدا كاروانەكە پەترۆلێ بگهێژە سووریێ

وەلاتێ مسرێ رێنەدا كاروانەكە دەریایی یا پەترۆلێ بگهێژە ریژیما سووریێ و رێژیما ئەسەد هەولێن خوە ژبۆ رێخوەشكرنێ ژ ئالیێ مسرێ ڤە ددە.

ل گۆری ئاژانسنە نووچەیان كو وەلاتێ مسرێ رێ لبەر گەهشتنا بارنە پەترۆلێ كو ژ ئیرانێ هاتنە بۆ بەندەرێن سووریێ، گرتنە، و مسر لسەر وێ رەدكرن و رێگریێ رژدە.

د كۆنگرەكی رۆژنامەڤانی دە سەرۆكێ ئەنجومەنا وەزیران یا رێژیما ئەسەد عیماد خەمیس گۆت كو رێژیما ئەسەد هەولا گەلەك ناڤبێنكاریان ب وەلاتێ مسرێ رە ژبۆ رێپێدانا دەرباسبوونا وان بارێن پەترۆلێ برێیا كەنالا ئەلسویس كریە، لێ تا نها ئەو هەول بسەرنەكەتنە.

ئەڤە دەردۆرا شەش مەهانە رێڤەبەریا كەنالا ئەلسویس ل مەسرێ رێنەدایە تو بارێن پەترۆلێ گو بگهێژن سووریێ.

د مەها سباتا بۆری دە ژی هێزێن ئەمریكی پارهلگرەكە توركی كو پەترۆلا ئیرانێ هلدگرت و دخوەست خوە بگهینە سووریێ، لنێزیكی بەرئاڤێن باژارێ لازقیێ یێ سووریێ، ئارمانجكر و تێكبر و د ئەنجامێ دە هەموو كەسێن لسەر وێ بارهلگرێ بوون هاتن كوشتن.

ل سووریێ و لگۆری نهێنیێن بەریا نها هاتنە بەلاڤكرن رۆژانە كارواننە بارهلگران پەترۆلا رۆژئاڤایێ كوردستانێ دگهینن ناڤچەیێن ریژیما ئەسەد، ئەو یەك ژی د چارچۆڤەیا رێكەفتنەكە گرێبەستی دناڤبەرا رێژیم و پارتیا یەكیتیا دیموقراتیك پەیەدێ دە كو لگۆری وێ رێكەفتنێ پەیەدێ وێ زەڤیێ پەترۆلێ بپارێزە، و د بەرامبەر دە رێژیم هندەك پەرە و دەستهلاتان ل وێ ناڤچەیێ ددە پەیەدێ.

395