سلێمان ئۆسۆ دەمێ دەستپێكرنا قۆناغا دوێ ژ دانوستاندنان ئەشكەرە كر
آرك نيوز...پشتی كو ل هەڤتێگهشتن ناڤبەرا ئەنجوومەنا نشتیمانیا كورد ل سووریێ وپارتیێن یەكیتیا نشتیمانی كورد هاتە راگەهاندن , تەڤایا گەلێ كورد چاڤەریا دەستپێكرنا قۆناغا دوێ ژ دانوستاندنان ناڤبەرا هەردو ئالیان دە دكە.
نووچەیا دەستپێكرنا دانوستاندنان ناڤبەرا ئەنجوومەنا نشتیمانیا كورد ل سووریێ وپارتیێن یەكیتیا نشتیمانی كورد دە هاتە بەلاڤكرن , وبەحسا مژارێن گۆتووبێژیان ژی كرن .
سلێمان ئۆسۆ ئەندامێ دەستەیا سەرۆكاتیا ئەنجوومەنا نشتیمانیا كورد ل سووریێ د لێدوانەكە تایبەت ژ بۆ ئاركێ دازانین كو هینا قۆناغا دوێ ژ دانوستاندنان ناڤبەرا ئەنجوومەنا نشتیمانیا كورد ل سووریێ وپارتیێن یەكیتیا نشتیمانی كورد دە دەستپێ نەكریە .
هەروەها سلێمان ئۆسۆ دازانین كو د دەما نهادە ئامادەكاری ژ بۆ دەستپێكرنا قۆناغا دوێ ژ دانوستاندنان تێنە كرن , ود دەمەكە نێزیك دە قۆناغا دوێ دوێ د دانوستاندنان وێ دەستپێ بكە.
وەكە ئۆسۆ دایەزانین كو مژارێن گۆتووبێژیان د قۆناغا دوێ دە وێ گۆتووبێژكرنا خالێن رێكەفتنا دهۆكێ بە یاكو بنگەها سەرەكەیە ژ دانوستاندنان رە .
د شازدەهێ مەها حەزیرانا بووری دە ئەنجوومەنا نشتیمانیا كورد ل سووریێ وپارتیێن یەكیتیا نشتیمانی یا كورد داخویانیەكە هەڤبەش بەلاڤكرن وتێدە گۆتن كو گەهشتنە نەرینەكە سیاسیا هەڤبەشا پابەند كو دئەنجامێ دە رێكەفتنێن دەستپێكی دروست ببن , ورێكەفتنا دهۆكێ یا سالا 2014 ان دەربارێ حوكمرانی و هەڤپاریێ د رێڤەبەری وبەرەڤانیێ دە وێ بنگەها سەرەكە بە ژ بۆ بەردەوامبوونا دانوستاندان ناڤبەرا شاندنێن هەردو ئالیان دە داكو بگهنە رێكەفتنە گشتی د پێشەرۆژەكە نێزیك دە .
ئەنجوومەنا نشتیمانیا كورد ل سووریێ وپارتیێن یەكیتیا نشتیمانی یا كورد د داخویانیا هەڤبەش دە سپاسیا جێنێرال مەزلووم عەبدێ كرن كو ئەڤ ئنیسیاتیڤ پێشكێشكر , وهەروەها سپاسیا سەرۆك مەسعوود بارزانی , وبرێز نێچیرڤان بارزانی سەرۆكێ هەرێما كوردستانێ كر كو بەردەوام پشتەڤان بوون ژ بۆ یەكرێزیا كوردی ل سووریێ .
271
