ئهلمانيا وئوردن بهحسا مهترسيا داعشێ دكن
ههردو وهزیرێن دهرڤه یێ وهلاتێن ئهلمانیا وئوردن راگهاندن كو بداوی هاتنا شهرێ داعشێ نایێ واتهیا بداوى هاتنا تهرورێ وتهكهزی ل سهر گرنگیا بهردهوامیا كارێ ههڤپهیمانیا ناڤدهولهتى یا لدژی داعشێ كرن .
وهزیرێ دهرڤه یێ ئهلمانیا هایكو ماس راگهاند كو بداوی هاتنا داعشێ ل سووریێ نایێ واتهیا راوهستاندنا بهردهوامیا كار ژ بو شهرێ وی .
ماس ههروهها دیاركر كو ژناڤبرنا داعشێ بو راستیهك ژ بهر ههولێن ناڤدهولهتى ژ بو ژناڤبرنا رێخستنا تهروری كو ئهلمانیا ژی بهشداربویهكی ب هێز بو وێ ههڤپهیمانیێ ده .
ماس سهرباركر وگوت كو تهڤێ راگهاندنا بداوی هاتنا داعشێ لێ رێخستنا ناڤبوری هین مهترسیهك وى یا مهزن ههیه وبێگومان كارێ ههڤپهیمانیا ناڤدهولهتى یا لدژی داعشێ بهردهوامه ژ بهر هزر ورامانێن داعشێ هین نه هاتنه ژناڤبرن وپیویسته كار ژ بو ژناڤبرنا ڤێ یهكێ وهره كرن .
ژ ئالیێ خوه ڤه ئوردن پیشوازی ل نوچهیا بداوی هاتنا داعشێ ل سووریێ كر لێ تهكهزی ل سهر وێ یهكێ كر كو شكهستنا رێخستنا ناڤبوری نایێ واتهیا بداوی هاتنا تهرورێ ل سووریا وعراقێ .
وهزیرێ دهرڤه یێ ئوردن ئهیمهن السهفدی د داخویانیهكێ ده راگهاند ستاندنا دهڤهران ژ چهكدارێن داعشێ نایێ واتهیا ژناڤبرنا وێ ژ بهر كو هین ئهو چهكدار مهترسیهك وان یا ئهولههی وئهیدیولوجى ههیه وپیویسته ئالیكاری وههماهنگی ههبه ژ بو ژناڤبرنا وێ .
السهفدی تهكهز كر كو ئهڤ سهركهفتن ئهنجاما كارێ ههڤپهیمانیا ناڤدهولهتى یا لدژی داعشێ یه وئهشكهره كر كو وهلاتێ وی بهردهوام به د شهرێ تهرورێ ده ل ههمو جیهانێ .
319