لاڤرۆف : ئەمریكا وێ دویلەكێ ژ بۆ كوردان ل رۆژهلاتێ چەمێ فەراتێ ئاڤا بكە

آرك نيوز...جارەكە دن وەزیرێ دەرڤەیێ رووسیا , ئەمریكا ب ئاڤاكرنا كەیانەكی كوردی ل رۆژهلاتێ فەراتێ تۆمەتبار دكە , ودبێژە پێویستە یەكپارچەییا سووریێ وەرە پاراستن .

سێرغی لاڤرۆف وەزیرێ دەرڤەیێ رووسیا راگەهاند كو ویلاەتیێن یەكگرتیێن ئەمریكا هەول ددە سووریا دابەش بكە , ودویەلەكێ ژ بۆ كوردان ل رۆژهلاتێ چەمێ فەراتێ ئاڤا بكە .

هەروەها لاڤرۆف گۆت كو ئەمریكا ناهێلە هەڤپەیمانێن وێ , ژ نووڤرە ناڤچەیێن سووریێ یێن كو ژ دەستێ تەرۆرستان هاتنە ئازادكرن ئاڤا بكە , وئەڤ چەند نیازا ئەمریكا ددە خویاكرن كو ئەمریكا ژ بۆ دابەشكرنا سووریێ كار دكە.

وەزیرێ دەرڤەیێ رووسیا گۆت كو ئەركێ تەڤایا وەلاتێن كو دەستێوەردانێ د سووریێ دە دكن , ڤەگەراندن وپاراستنا سەروەریا سووریێ یە , و جڤاكا ناڤدەولەتی ب گشتی وئەمریكا پشتەڤانیا ڤێ پێنگاڤێ دكن , لێ د راستی دە ول سەر عەردێ ئەمریكا بەروڤاژیێ ڤێ پێنگاڤێ كار دكە , وئەمریكا رژدە ل سەر ئاڤاكرنا كەیانەكی تایبەت ب كوردان ل رۆژهلاتێ چەمێ فەراتێ .

سێرغی لافرۆڤ گۆت كو ئەمریكا ب تەنێ ناڤچەیا رۆژهلاتا چەمێ فەراتێ ژ نووڤرە ئاڤا دكە , وهەڤپەیمانێن خوە ژی ل وێ ناڤچەیێ نەچار دكە داكو پرۆژەیێن خزمەنگوزاریێ ل رۆژهلاتێ چەمێ فەراتێ ئەنجام بدە , وئەڤ چەند واتەیا نیازا ئەمریكا ب دابەشكرنا سووریێ ددە خویاكرن .

ودەبارێ ڤەكشانا هێزێن ئەمریكی ژ سووریێ سێرغی لافرۆڤ گۆت كو ڤەكشانا هێزێن ئەمریكی ژ سووریێ وێ باندۆرەكە ئەرێنی ل دیتنا چارەسەریەكێ ژ بۆ كریزا سووریێ بكە , لێ ئەو باوەر ناكە كو ئەمریكا وێ بریارا خوە جه بجه بكە .
ز.ح

469