26 سال ل سه‌ر كۆمكوژییا زیندانێ حه‌سه‌كێ ده‌رباس دبن

آرك نيوز .. ئيرۆ 26 سال ل سه‌ر كۆمكوژییا زیندانا حه‌سه‌كێ یا ناڤه‌ندی ده‌رباس دبن كو د سالا 1993ان د هه‌مان رۆژێ هاتبوو پێكئانین .

كۆمكوژییا زیندانا حه‌سه‌كێ یا ناڤه‌ندی د ده‌رحه‌قێ گرتییان ده‌ یه‌ك ژ زنجیرا كۆمكوژییانه‌ كو رێژیما ئه‌سه‌د وه‌ك كۆمكوژییا سینما عامودا ب ئارمانج وپلان پێ رابوویه‌ و تا نها هوورگولیین وێ كۆمكوژیێ نه‌ زلالن ونه‌هاتیه‌ ئه‌شكه‌ره‌كرن تاوانبار نه‌هاتنه‌ دادگه‌هكرن .

د 24ێ مه‌ها ئادارێ سالا 1993ان ب ده‌هان ژ گرتیێن كورد وعه‌رب د زیندانا تاخا غویران یا حه‌سه‌كێ یێ رۆژئاڤایێ كوردستانێ ب ده‌ستێ تاوانباران شه‌هید بوون پشتی كو رێژیمێ ئاگر ب زیندانێ خست وب ده‌هان گرتی بوونه‌ قوربانییا وێ ئاگرێ و شه‌هید بوون و ب ده‌هان بریندار بوون .

زیندانا حه‌سه‌كێ د سه‌رده‌مێ یه‌كیتیا هه‌ردوو رێژیمێن سووریێ و مصرێ هاته‌ ئاڤه‌كرن كو ده‌ردۆرا دووسه‌د‌ كه‌سێ ڤه‌دحه‌وینه‌ لێ رێژیما ئه‌سه‌د هژماره‌ك پر ژ گرتییان دخست وێ زیندانێ كو ئه‌و سزا ل جه‌م رێژیما ئه‌سه‌د ناڤدار وئه‌و یه‌ك جوره‌ك ژ جورێن ئه‌شكه‌نجه‌یێ یه‌ داكو گرتی نكاربن ب سه‌ربست لڤ وته‌ڤگه‌رێ بكن و ب ئازادی هه‌ناسه‌ی خوه‌ بكشینن وهه‌رده‌م ده‌روونییا وان شكاندی به‌ .

به‌ریا كو رێژیما ئه‌سه‌د ئاگر ب زیندانێ بخینه‌ گرتی د ره‌وشه‌ك خراب ده‌ دژییان ژبه‌ر گه‌نده‌لی ناڤبه‌را نۆبه‌دار وزابانییان وهه‌روه‌ها رێڤه‌به‌ریا زیندانێ ده‌ به‌لاڤ بووبوو كو د هه‌مان زیندانا تاخا غویران یا حه‌سه‌كێ ده‌ رێژیم گرتیێن سیاسی ته‌ڤلی گرتیێن كو ب تاوانێن دزی وده‌سته‌سه‌كرن و ماده‌ێن هشبر كربوو داكو ره‌وشه‌ك ژ ته‌ڤلیهه‌ڤیێ دروست بكه‌ و پرسگرێك ناڤبه‌را گرتییان ده‌ چێببن .

ل گۆر كه‌سێن ژ كۆمكوژیێ رزگار بوونه‌ دبێژن كو ئاگرێ كو ده‌ردۆرا ده‌مژمێر 6ێ ئیڤارێ د 24 مه‌ها ئادارێ ده‌ د ئۆده‌یا دوویان یان وه‌ك ب عه‌ربی دبێژن مهجع كه‌تبوو ژ به‌ر پلانه‌كێ ناڤبه‌را رێڤه‌به‌ریا زیندانێ و تاوانبارێن ماده‌ێن هشبر هاته‌ روودان و ئاگر هاته‌ ڤێخستن .

هه‌مان دیده‌ڤان دبێژن كو به‌ریا كو كۆمكوژی وه‌ره‌ پێكئانین رێڤه‌به‌ریا زیندانێ ماده‌یا كازێ ل سه‌ر گرتییان به‌لاڤ كر ب بهانه‌یا كو گاز دێ وه‌ره‌ برین و ئێدی نامینه‌ و تبابه‌ك مه‌زن ل سه‌ر گرتییان به‌لاڤ كر كو د ده‌ما ئاگر ڤێكه‌تیه‌ ئه‌و گاز بوو سه‌ده‌مه‌ك كو ئاگر گورتر ببه‌ و ب له‌ز وزوو ڤێكه‌ڤه‌ .

ته‌ڤی كو گرتییان ب ده‌نگێ بلند بانگ دكرن لێ زبانی و نۆبه‌دار و رێڤه‌ریا زیندانێ رازینه‌بوون ده‌ریێ زیندانێ ڤه‌كن داكو گرتێ كار بن خوه‌ رزگار بكن .

هێدی هێدێ ئاگر گور بوو وئیدێ نه‌ما كونترول ل سه‌ر ئاگرێ ئۆده‌یا دوو دبوو‌ گرتییه‌ك ب ناڤێ قهره‌مان علی كو یه‌ك ژ گرتیێن ئۆده‌یا سێ یه‌ ب دارێ زۆرێ كلیت ژ نۆبه‌دار بر و ده‌ریێ ئۆده‌یا دوو ڤه‌كر پشتره‌ گرتییان كاریبوون خوه‌ رزگار بكن لێ ژ به‌ر درێژبوونا ئۆده‌یێ كو سی متره‌ و گۆربوونا ئاگر هشت كو 61 ژ گرتییان شه‌هید ببن و بده‌هان ژ گرتییان ژ به‌ر دوو د وێ ده‌مێ بریندار بوون .

ل گۆر ژێده‌رێن راگهاندنێ كو پشتی كو ئه‌و كۆمكوژی هاته‌ پێكئانین یه‌كسه‌ر رێژیما ئه‌سه‌د چار ب تۆمه‌تا ڤێخستنا ئاگر لدارڤه‌ كر كو ئه‌و یه‌ك ژبۆ هوورگولی و سه‌ده‌مێن راسته‌قینه‌ ڤه‌شێره‌ و وێ دۆسه‌یێ بگره‌ .

ته‌ڤێ ده‌رباسبوونا ب ده‌ه سالان ل سه‌ر كۆمكوژیێ ره‌ لێ سیاسه‌تمه‌دار چالاكڤان رێخستنێن ماڤێ مرۆڤان ودیده‌ڤانێن كو ژ كۆمكوژیێ رزگار بوونه‌ تۆمه‌تێن وێ كۆمكوژیێ ئاراسته‌ی رێژیما ئه‌سه‌د دكن كو تا نها تاونبار نه‌هاتنه‌ سزا دان و ئه‌و كۆمكوژی دبه‌ یه‌ك ژ رۆژێن مه‌ها ئادارێ یا خه‌مگین ب ته‌نێ كورد و داێكێن شه‌هیدان ب ئیش خه‌مێن پر مه‌زن وێ سالڤه‌گه‌رێ تێنن بیرا خوه‌ هه‌رده‌م چاڤێن وان ل دادگه‌هكرنا تاونبار و كۆژه‌رانه‌ .

ش.ع

606