پەیەدێ پیلانەكی دەربارێ پەنابەرێن عەفرینێ دە ئامادە دكە

رێڤەبەرییا كەمپێن شەهبایێ ناڤێن كۆچبەر و پەنابەر وخەلكێ عەفرینێ یێن ب دارێ زۆریێ یێ پەیەدێ ل وان كەمپان دە دمینە تۆمار دكە ، ب هانەیا ڤەگەران وان ژبۆ عەفرینێ ، لێ ئارمانجا وان ئەوە كو وان ڤەگوهێزنە جهن نەدیار .

ژێدەرەكێ ژ كەمپا بەرخوەدانێ دا زانین كو رێڤەبەرییا كەمپان دخوازە پەنابەران ڤەگوهێزە بۆ ناڤچەیا شدادێ ل حەسەكێ ودناڤا كەمپان دە ل وێ ناڤچەیێ بجه بكە وبازرگانیێ ب ناڤێن وان بكە و ل سەر ناڤێن وان ئالیكاریێن ناڤدەولەتی وەربگرە ول سەر تەرۆریستین داعشێ ل كەمپێن هۆلێ ودەوروبەرێن وێ بەلاڤ بكە، ودا كو ئیدی چی دن مللەتێ عەفرینێ هزر نەكە ڤەگەرە عەفرینێ .

د بەشەكێ دن یێ گۆتنا خوە دە وی ژێدەری وها گۆت، پەیەدێ دخوازە كالەمێران وپیران ژبۆ كەمپەكێ نیزیك ژ گوندێ چەتەل زیارەتێ وبكارئانینا وان مینا دیوارەكی پاراستنێ ژ مرۆڤان دژی هەر ئیرشەكی توركی و گرۆپێن چەكدار دژی هەردو باژارۆكێ نبل زهەرایێ.

چالاكڤانێ كورد ئازاد خلیل دوه (19.3.2019)، نامەیەك ژ مللەتێ كورد ل كەمپێن شەهبایێ رە شاند كو رازی نەبن بێن ڤەگوهستن بۆ هەر جهەكی ئەگەر كو ڤەنەگەرن گوند وباژارۆكێن خوە ل ناڤچەیا عەفرینێ ، ژبەر كو پەیەدێ دخوازە وان بیابانا جزیرێ دە وندا بكە وكوردان مینا ئاردویەكێ ژ كارنامەیێن هێزێن هەرێمێ رە بشەوتینە.

د 16 مەها ئادارێ سالا 2018 چەكدارێن پەیەدێ رێگری ل پێش چوون و ڤەگەرا خەلكێ عەفرینێ ل سەر رێبەندا تاخا محمودیێ كر و نەهشت خەلك ڤەگەرە گوندێن خوە و د هەمان دەمێ دە رێبەندا تورندێ ل پێش خەلكێ ڤەكر دا كو خەلك بەرێ خوە بدن دەڤەرێن دەردۆرا حەلبێ نەخاسم نبل و زهەرا وتل رفعت و ژ وێ دەمێ ڤە و هەتا نها پێنچ كەمپ ژ دەربەدەرێن عەفرینێ رە دامەزراندنە و نها ژی مەترسییا ڤەگوهەستن و بازرگانیا ب وان كوردان ژبۆ دەڤەرێن دن تێن كرن و هەتا نها نهاژی پەیەدێ رژدە ل سەر نەڤەگەرا وان ژبۆ عەفرینێ و هەروها ژبۆ تاخێن كوردی ل حەلەبێ مینا شێخ مقصود و ئەشرەفییە.

ر.ع

439