نڤیسگه‌ها سه‌ركرده‌یاتییا په‌ده‌كه‌سێ ل كوردستانێ نامه‌یه‌ك پیرۆزباهیێ به‌لاڤ كر
آرك نيوز .. نڤیسگه‌ها سه‌ركرده‌یاتییا پارتیا ده‌مۆقراتا كوردستان سوریا ل هه‌ریما كوردستانێ نامه‌یه‌ك پیرۆزباهیێ ب بۆنه‌یا نه‌ورۆزێ به‌لاڤكر تێده ئه‌نجومه‌نێن هه‌ریمی و شاخی و خوه‌جهی یا پارتی پێرۆز كر و رۆژێن خوه‌ش ژ وان ره خوه‌ست .
د هه‌مان نامه‌یا ئيرۆ 19/3/2019ان ده ده‌ستخوه‌شی ل كارێ وان ئه‌نجومه‌نان كر و گۆت كو سالا بووری ساله‌ك ب پێشكه‌تن د وارێ رێخستنی و حه‌زكرن دناڤبه‌را هه‌ڤالان ده ده‌رباس بوو هه‌روه‌ها گوهدانه‌ك باش و چالاك ب وارێ سیاسی هاته دان وئه‌و ژی جهێ شانازیێ یه .
نامه‌یا په‌ده‌كه‌سێ ده ئامه‌ژه پێ كریه كو نورۆز سۆنبولا خه‌بات و خوارگری و ئازادی یه و بلا ئه‌و رۆژ ببه رۆژه‌ك ژبۆ یه‌ك‌رێزی و هه‌ڤكاری وبده‌ستڤه‌خستنا سه‌ركه‌فتنان د ناڤبه‌را هه‌ڤالان ده .
د داوییا نامه‌یا خوه ده نڤیسگه‌ها سه‌ركردایه‌تییا په‌ده‌كه‌سێ ل هه‌رێما كوردستانێ ده هێڤی كر كو د سالا بێ ده نه‌رۆز ل رۆژئاڤایێ كوردستانێ وه‌ره پیرۆزكرن پشتی كو سووریا ژ ته‌رۆر رزگار ببه تێده كورد ب ماڤێن خوه یێن نشتیمانی د ناڤ سووریا فه‌درال ده بژین .
ش.ع
333
