قسد هەژمارەكە دن ژ گرتیێن داعشێ سەربەست بەردان
چەكدارێن سووریایا دیموقراتیك كو چەكدارێن پەیەدێ پەشێ سەرەكەنە ژێ هەژمارەكە دن ژ گرتیێن داعشێ ژ زیندانێن خوە سەربەست بەردان.
رۆژا پێنشەمێ و ب ناڤبێنكاریەكێ ژ كۆمیتەیا تێكلیێن گشتی یا ئەنجومەنا دێرازۆرێ یا سڤیل چەكدارێن سووریایا دیموقراتیك حەفت گرتیێن دن یێن داعشێ ژ زیندانێن خوە سەربەست بەردان.
د هەیاما دو سالێن بۆری دە و ب دانپێدانا راگهاندنا پەیەدێ بخوە ژی چەكدارێن سوریایا دیموقراتیك بهتری هەزار و پێنسەد گرتیێن داعشێ ژ زیندانێن خوە سەربەست بەردانە.
سەربەست بەردانا گرتیێن داعشێ هەڤدەمێ وێ یەكێ تێ كو هین دەردۆرا هەزار وەلاتیێن كورد یێن سووریێ كو ژ ئالیێ تەرۆریستێن داعشێ ڤە هاتبوو رەڤاندن خوەدی چارەنڤیسەكە نەدیارن.
سەركردەیێن سووریایا دیموقراتیك بخوە ژی پشتی داویترین شەرێ داعشێ ل باغوسێ راگهاندبوون كو تو زانیاری لجەم وان تونەنە كو ژ مالباتێن رەڤاندیێن كورد یێن ژ ئالیێ داعشێ ڤە بێژن، و ئەو تشتەكی ل سەر چارەنڤیسا وان رەڤاندیان نزانن.
سەربەستبەردانا گرتیێن داعشێ ژ ئالیێ قسد و پەیەدێ ڤە تەنی پشتی ناڤبێنكاریەكی ژ ئالیێ ریسپی و سەرۆكهۆزین هەشیرەتان ڤە و ب لێبۆرینەكە گشتی تێن.
162