جەنبولات: ئەسەد دەرەوترین كەسە لجیهانێ

سەركردەیەكی لوبنانێ دبیژە سەرۆكێ رێژیما سووریێ بەشار ئەلئەسەد مەزنترین دەروەكارە ل جیهانێ.

سەرۆكێ پارتیا پێشڤەرۆیا كۆمۆنیست یا لوبنانی وەلید جەنبولات راگهاند كو بەشار ئەلئەسەد دەرەوترین كەسە لجیهانێ و گۆت زانیاری لجەم وی هەنە ژ دیپلۆماتكارەكی رۆسی كو سالا دوهەزار و دۆزدەهان بەشار ئەلئەسەد نامەیەك بۆ نەتەنیاهۆ شاند و تێ دە دبێژە ئەگەر سووریا هات پارچەكرن وێ دەمێ دەولەتۆكا عەلەویان لسەر ئسرائیل نە مەترسیە و بەرسڤا ئسرائیل ژی ژبۆ ئەسەد ئەو بوو كو تەرمێ سیخورێ ئسرائیلێ ئیلی كۆهین ڤەگەرینە ئسرائیلێ.

دەربارێ دۆسیایا دەربدرێن سووریێ جەنبۆلات گۆت تو كەس نكارە ب نەچاری دەربدەران ڤەگەرینە، و گۆت رێژیما ئەسەد دەربدەر دەرنەخستنە تا كو وان ڤەگەرینە.

جەنبولات بەریا نها ژی گەلەك جاران ئێریشی رێژیما ئەسەد و سەرۆكێ وێ ب داخویانیان كریە و ئەسەد ب پشتەڤانێ رێخستنا تەرۆریست یا داعشێ ژی تۆمەتباركربوو.

جەنبولات سەرباركر كو وەلاتێن هەری مەزن لسەر ئەولەكاریا ئسرائیلێ لهەڤكری نە و گۆت ئەو یەك د رێكەفتنا ل سەر لەشكەرێ ئسرائیلی دە كو رێژیمێ ب رێیا رۆسیا رادەستی ئسرائیلێ كر دیاربوو.

ئیلی كۆهین، جهوویەكی بخوە ل ئسكەندەریە یا مسرێ ژدایكبوویە و ناڤبەرا سالێن هەزار و نەهسەد و شێست و یەكێ تا هەزار و نەهەسەد و شێست و پێنجان ل سووریێ ژبۆ ئسرائیلێ سیخوری دكر، و بوو راوێژكارێ یەكەم یێ وەزیرێ بەرەڤانیا سووریێ و پشترە ئەشكەرە بوو و ب سێدارەدانێ هاتە دادگەهكرن.

621