سەدەمێن ڤەگەرا لڤ وتەڤگەرا سڤیلا ئاشتیانە ل باژار وباژارۆكێن سووریێ چ نە؟
دگەل دەرباسبوونا شۆرەشا سووریێ ژبۆ سالا خوە یا نەهێ، بوویەرێن ڤی داویێ ل پارێزگەها دەرعایێ روودایی ، جارەكی دن لڤ وتەڤگەرا سڤیل یا ئاشتیانە ڤەژاند ، كو مینا سیمایێن شۆرەشا سووریێ ل هوندر و ژ دەرڤە هاتبوو ناسكرن.
د ڤێ دەما داویێ دە، جارەكی دن خوەپێشاندان ل مەیدانا مزگەفتا العمری یا باژارۆكێ درعا البلد دەركەتن و هەمی جادەیێن وی باژارۆكی گرت، ئەوژی ژبەر دووبارە ئاڤاكرنا پەیكەرێ حافز ئەسەد ل مەیدانا تشرین ل ناڤچەیا وێستگەها درعایێ ، لەوما دیسان دورشم وسلۆگانێن شۆرەشێ هاتن بانگ كرن و تایبەتی ژی دورشما " مللەت داخوازا رۆخانا رێژیمێ دكە" ودورشما " ئەم ب تەرە نە هەتا مرنێ" ، لێ ڤێ جارێ ئەڤ دورشم ژبۆ باژارێ ئدلبێ بوو، یێ كو راستی كۆمكوژی وتۆپبارانا رۆژانە ژ ئالیێ میلیسییاێن گرێدایێ ئەسەد ڤە تێن.
رێژیما ئەسەد سیاسەتا خوە یاكو ئاڤاكریی ل سەر بنگەهین ئستفزازێ و زبەرییا لەشكەری وئەولەهی نەگوهەرییە، تەڤی كو د سالا (2018)دە، بەشەك بەرفره ژ خاكا سووریێ وب پشتەڤانییا رۆسێ كۆنترۆل كرییە، بهنجەتا رێكەفتنێن "لهەڤهاتنێ" وەك چاوە ل درعا و غۆتا شامێ یا رۆژهلات و گوندەوارێ باكۆرێ حمسێ ، ئەو سیاسەتا رێژیمی ژی دبە سەدەمێ بهێزڤەگەرا لڤ وتەڤگەرا سڤیل وخوەپێشاندانان ل هەمی ناڤچەیێن لهەڤهاتنێ ل سووریێ ونە تەنێ ل درعایێ.
ل گۆر شرۆڤەكاران، سەدەمێن بهێزڤەگەرا ڤێ لڤ وتەڤگەرێ، ژبۆ دو سەدەمان، ئەو ژی یەك ، بەردەوامییا رێژیمێ د سیاسەتا خوە ویا ئیرانێ ژێ رە نەخشەكری كو بنگەها وێ ل سەر تەپەسەریێ و چارەسەرییا لەشكەری و ئەولەهی وكركرنا هەر دەنگەكی ل دژی وێ.
سەدەمێ دوێ ژی، ئەوە كو، گرۆپێن چەكدار یێن ئۆپۆزسیۆنێ نكاری بوو، ل جادەیا شۆرەشی خوەدی دەركەڤە و رۆلەكی ژ مللەتێ شۆرەشگەر رە ببینە ووان مینا فشارەكێ خوەجهی و ناڤدەولەتی ژبۆ بدەستڤەئانینا ئارمانجێن شۆرەشێ بكار بینە.
ر.ع
430
