جڤينه‌ك له‌شكه‌رى ئيرانى, سوورى, عراقى ل شامێ تێ لدارخستن
ژ بو جاران ددوان د هه‌یاما شه‌ش مه‌هان ده سه‌روك ئه‌ركانێن ئیرانێ محمد بافری سه‌ره‌دانا شاما پایته‌ختا سووریێ كر ژ بو به‌شداریێ د جڤینه‌ك سێ ئالی ده دناڤبه‌را سوریا وعراق وئیران ده .
ل گوری ئاژانسێن نوچه‌یان كو سه‌ورك ئه‌ركانێن ئیرانی محمد باقرى سه‌ركێشیا شانده‌ك له‌شكه‌ری ئیرانى پله‌بلند كر ژ بو به‌شداریێ د جڤینه‌كێ ده ل گه‌ل هه‌فشانێن خوه یێن عراقی وسوری .
ئاژانسا تسنیم یا ئیرانى ئه‌شكه‌ره كر كو جڤینا سێ ئالی ئارمانجا وێ بهێزكرنا ئالیكارى وهه‌ماهنگیا له‌كشه‌ری وشێوه‌رمه‌ندی دناڤبه‌را هه‌رسی وه‌لاتان ده هه‌روه‌ها وێ به‌حسا مژارێن تایبه‌ت ب ده‌ڤه‌رێ وه‌رن كرن .
ئاژانسا ناڤبورى ل سه‌ر زارێ باقرى به‌لاڤ كر كو هێزێن كو ل سووریێ دمین نبێ هه‌ماهنگیێ ل گه‌ل رێژیما سووریێ وێ نیزیك یان دور وێ ژ سووریێ ده‌ركه‌ڤن وئه‌ڤ خال وێ د جڤینا سێ ئالی ده ل سه‌ر وه‌ره ته‌كه‌ز كرن .
هه‌روه‌ها هاته دیاركرن كو د جڤینا سێ ئالی ده وێ به‌حسا ئه‌وله‌هیا سینورێ سوری عراقی وه‌ره كرن وپاراستنا ریه‌ك به‌ژایی دناڤبه‌را سوریا وئیران د ریا عراقێ هه‌روه‌ها ڤه‌كرنا ده‌رگه‌هێ القائم والوه‌لید ژ بو ئالیكاریێ د ڤه‌كرنا خه‌تا دناڤبه‌را سوریا وئیران ده هه‌ڤده‌مى سزایێن ئه‌مریكی ل سه‌ر ئیرانێ .
هه‌ر ل گوری زانیاریان كو باقرى دبینه كو هه‌بونا چه‌كدارێن وان ل سووریێ ب هه‌ماهنگی ل گه‌ل حكومه‌تا سووریێ یه لێ هه‌بونا هێزێن بیانى ل ده‌ڤه‌را ئدلب وروژهلاتێ چه‌مێ فه‌راتی نایێ قه‌بول كرن .
ژ ئالیێ خوه ڤه ته‌له‌فزیونا ئیرانى به‌لاڤ كر كو باقرى وێ سه‌ره‌دانا بوكمال ودێرا زورێ وغوتا روژهلات بكه ژ به‌ر كو شێوه‌رمه‌ند وچه‌كدارێن ئیرانى ل وان ده‌ڤه‌ران بجه دبن .
334
