سه‌روك بارزانى ل گه‌ل جێڤرى ره‌وشا كوردستانا سووريێ گه‌نگه‌شه كر
سه‌روك مه‌سعود بارزانى پێشوازى ل شانده‌ك ئه‌مریكى كر كو ژ شانده‌رێ نو یێ سه‌روكێ ئه‌مه‌ریكا ژ بو هه‌ڤپه‌یمانیا ناڤده‌وله‌تى یا لدژی داعشێ وجول رایبیرن جیگرێ وه‌زیرێ ده‌رڤه یێ ئه‌ه‌مه‌ریكا وقنسلێ ئه‌مریكى یێ گشتی ل هه‌ولیرێ وهنده‌ك به‌رپرسێن دن پێك دهات .
د جڤینا سه‌روك مه‌سعود بارزانى ب شاندا ئه‌مریكى ره به‌حسا ره‌وشا سوریێ بگشتی ویا گه‌لێ كورد ل سووریێ گفتوگو كرن و فكار وخه‌مخواریا خوه ده‌ربارێ ره‌وشا گه‌لێ كورد ل كوردستانا سووریێ دیاركرن .
هه‌روه‌ها هه‌ردو ئالیان نه‌رینێن خوه ده‌ربارێ ره‌وشا سووریێ گه‌نگه‌شه كرن بتایبه‌ت پشتى پێشهاته‌یێن داوى یێن سیاسى ومه‌یدانى كو هه‌ردو ئالیان ته‌كه‌زى ل سه‌ر گرنگیا هه‌ماهنگی وئالیكاریێ وكارێ هه‌ڤبه‌ش دناڤبه‌را هه‌ڤپه‌یمانیا ناڤده‌وله‌تى یا لدژی داعشێ وهه‌رێما كوردستانێ ژ بو رێگریێ ل رودانا شه‌ر ویران كرنێ هه‌روه‌ها راوه‌ستاندنا ئێش وئازارێن گه‌لێ كورد ل سووریێ .
د هه‌مى هه‌ڤددیتن وجڤین وسه‌ره‌دانێن خوه سه‌روك بارزانى وبه‌رپرسێن هه‌رێما كوردستانێ بگشتی فكار وخه‌مخواریا خوه ده‌ربارێ چاره‌نڤیسا گه‌لێ كورد ل كوردستانا سووریێ دیاردكن هه‌روه‌ها داخوازا پاراستنا وان دكن .
388
