خشتهیا ڤهژاندنا ههلكهفتێن مهها ئادارێ هاته راگهاندن
ب بريارهكێ ژ ئهمینداریا گشتی یا ئهنجومهنا نشتیمانی یا كوردی ل سووریێ ههلكهفتێن مهها ئادارێ ل ههرێمێن رۆژئاڤایێ كوردستانێ دێ وهرن ڤهژاندن .
د ڤێ دهربارێ ده سهرۆكێ ئهنجومهنێن خوهجهی یا ئهنجومهنا نشتیمانی یا كوردی ل سووریێ محسن تاهر راگهاند كو پشتی ههڤدیتنێن دوه یێن ههڤبهش ناڤبهرا نڤیسگههێن كارووبارێن ئهنجومهنێن خوهجهی و نڤیسگهها سهرۆكاتیێ ههردوو ئالی هگشت خشتهیهكێ ژبۆ ڤهژاندنا ههلكهفتێن مهها ئادارێ وب ناڤێ ئهنجومهنا نشتیمانی یا كوردی ل سووریێ .
ل گۆر تاهر راگهاندییه كو خشتهیا ڤهژاندنێ ب ڤی ئاوایی یه :
یهكێ ئادارێ ههلكهفتا كۆچا داوییا نهمر بارزانی دێ وهك سهمینارێن جهماوهری ب ناڤێ ئهنجومهنێن خوهجهی وهرن لدارخستن تێده بهحسا وێ ههلكهڤتێ بكن ههروهها د 8 ئادارێ د رۆژا ژنان یا جیهانی ده داخویانییهك دێ وهره بهلاڤكرن و نڤیسگهها ژن وزارۆكان ب ههڤكارییا ئهنجومهنێن خوهجهی دێ بكارێ ڤهژاندنا وێ رۆژێ ل گۆر قهدر گرانییا ژنا كورد وجه ورۆلا وێ رابن .
دهربارێ رۆژا پاكرهوانێن كورد ل رۆژئاڤایێ كوردستانێ محسن تاهر بال كشاند سهر كو مووم وفند شهڤا 12 ئادارێ دێ وهرن ڤێخستن و وئالێن رهش ل سهر دهری و پهنجهرێن مالان وهرن بهردان ووهك شهرمهزاكرن و رسواكرنا وێ كۆمكوژیێ وبیرئانینا باكرهوانێن كورد و كوردستانێ د سبههێ ده خهلك دێ بهرێ خوه بدن مهزارێن پاكرهوانان و كورزێن گول و چیچهكان ل سهر گۆرێن وان دهینن و فاتیحهیێ د قۆرئانا پیرۆز ده ل سهر جانێ وان بخوینن پشتره گوتن دێ وهرهن پێشكێشكرن تێده بهحسا رۆلا پاكرهوان وجهێ وان بكن .
تاهر دا زانین كو د 14 ئادارێ ده رۆژا ژدایكبوونا نهمر ملا مستفی بارزانی ئهو ههلكهفتا پیرۆز ل جهم خهلكێ كورد وهك لدارخستنا سهمینار وكۆمبوونا جهماوهری ل ههموو ههرێمان ب سهرپرهشتیا ئهنجومنێن خوهجهی دێ وهرن لدارخستن و تێده بهحسا رۆل و گرانییا خوهدییێ پرۆژهیا نشتیمانی و رێبازا كوردایتی بارزانیێ نهمر و تشتێن ژ كورد وكوردستانێ ره پێشكێش كرنه بكن .
د 16 ئادارێ ناڤبووری گۆت كو بیرئانینا كومكوژیا كیماوی ل حلبچه وخۆرمال و ههرێمێن كو د سالا 1988 ده بوو و ب دهه ههزاران شههید بوون وپرانییا وان ژ زارۆك كال وپیر وژنان دێ ئهو رۆژ وهره ڤهژاندن و وبۆ 5 خولهیان ژ دهمژمێر 11- 11.5 خولهكه بێدهنك ل سهر جانێ پاكرهوانان دێ وهره راوهستاندن .
د شهڤا نهرۆزێ ده مووم وفند ل سهر ریێن سهرهكه دێ وهرن ڤێخستن ب بلنكرنا ئالا كوردستانێ ل سهر دوكان و مالان وهرن خهملاندن و د 21 ئادارێ رۆژا داوییا كهێڤ وخوهشی و دلخهمییا مهها ئادارێ به كو د وێ مهها گهلێ كورد راستی گهلهك ئاستنگییان هات و رۆژا نهرۆزێ ب كهیف وخوهشیی و بهشدارییا تیمێن فلكۆری یێن ههریمێ ئهگهر تو ئاستهنگی ورێگری چێنهبن دێ وهره ڤهژاندن .
د داوییا ئاخهفتنا خوه محسن تاهر سهرۆكێ ئهنجومهنێن خوهجهی د ئهنجومهنا نشتیمانی یا كوردی ل سووریێ ده هێڤێ كر كو ههلكهفتێن مهها ئادارێ یا ئیسال ب بهشدارییهكه پر مهزن ژ خهلكێ به و ئاگرێ ئادارێ ببه نیشانهك ژ ئازادی وئاشتیێ ژ گهلێ كورد و ههموو گهلێ سووریێ ره به .
ش.ع
453
