ئەگەر هەیە جەنگ ناڤبەرا 4 وەلاتان دە ل رۆژهلاتا ناڤین دەستپێ بكە

آرك نيوز...د راپۆرتا میونشن دە بۆ ئاساییشا ( 2019 ) هاتیە كو چاڤەریا دەستپێكرنا شەرەكی ناڤبەرا 4 وەلاتان دە ل سووریێ ویان ژی یەمەن تێ كرن , وبەردەوام چەك وتەقەمەنی بۆ وەلاتێن رۆژهلاتا ناڤین تێنە شاندن.

راپۆرتا مونشن ئەشكەرەكر كو ژ سالا 2013 ان ڤە وهەتا 2017 ان هناردەكرنا چەكان بۆ رۆژهلاتا ناڤین دو جاران بهتر بوویە ژ سالێن پێشتر ,وهۆشداری دا كو ئەگەر چەنگ ناڤبەرا چەند وەلاتەكی دە ل رۆژهلاتا ناڤین دروست ببە .

د راپۆرتا میونشن دە هاتیە كو ( 53% ) هناردەكرنا چەك وتەقەمەنیان بۆ رۆژهلاتا ناڤین ژ ئالیێ ویلایەتێن یەكگرتیێن ئەمریكا ڤە هاتیە ئەنجامدان , و( 11% ) ژ ئالیێ فەرەنسا ڤە , و ( 10 % ) ژ ئالیێ بەریتانیا ڤە , و ( 2% ) ژ ئالیێ توركیاڤە هاتیە ئەنجامدان .

راپۆرتا میونشن بۆ ئاساییشا 2019 ان رۆناهی خستە سەر نەبوونا رۆلا وەلاتێن یەكیتیا ئۆرۆپا د پێشەرۆژا سووریێ دە ,ئەوژی پشتی د‌ونالد ترامپ سەرۆكێ ئەمریكا بریارا ڤەكشانا هێزێن ئەمریكی ژ سووریێ دەركر , وگۆتژی كو رۆلا هەری گرینگ پشتی ڤەكشانا هێزێن ئەمریكی ژ سووریێ وێ بۆ رووسیا , ئێران , وتوركیا وێ بمینە .

هەروەها راپۆرتێ ئەشكەرەكر كو ئەگەر هەیە شەر ل رۆژهلاتا ناڤین ناڤبەرا ( ئەمریكا , ئیسرائیل , سعوودیە ژ ئالیەكی ڤە وئێران ژ ئالیەكی دنڤە دروست ببە , وهۆشداری دا كو ئەگەر هەیە ئەو شەر ل عێراق , ویان ژی ل یەمەن دروست ببە , ودروستبوونا شەر ل سووریێ ژی د ئەگەرێ دەیە
هەروەها د راپۆرتا میونشن بۆ ئاساییشا سالا 2019 ان دە هاتیە كو ئەگەر سیستەمێ جیهانی یێ نها تێك بچە , فەرەنسا و بەریتانیا , وئەلمانیا كارن رۆلەكە گرینگ د پاراستنا ئەولەهیا ناڤچەیێ دە ببین .

كۆنگرێ میونشن بۆ ئاساییشا سالا 2019 ان بریارە ل رێكەفتا 15 هەتا 17 / 2 / 2019 ب بەشداریا سەرۆك , ووەزیرێن بەرەڤانیا 80 وەلاتی ل باژارێ میونشن یێ ئەلمانیا وەرە ل دارخستن .
ز.ح

616