سالڤەگەرا 7 یا یەكیتیا ژنێن كورد ل سووریێ

ئیرۆ(13.12.2019)، رۆژا سالڤەگەرا 7 یا ئاڤاكرنا یەكیتیا ژنێن كورد ل سووریێ یە، یەكیتیا ژنێ، رێخستنەكە جڤاكی سڤیلە وتایبەتە ب كارۆبارێ ژنێن كورد و چارەسەركرنا كێشەێن ژنان ل كوردستانا سووریێ ، یەكیتیا ژنێ هەول ددە نەرینا ژنێن كورد ل كوردستانا سووریێ دەربارێ پرسێن جڤاكا كوردی دە بدە خویاكرن و ژنێ هشیار بكە دەربارێ پێشەرۆژا وێ و مافێ وێ ، د رییا كۆرس و سەمینار و پێشبركی و كۆربەندێن رۆشنبیری رە، و د هەمی ئالیێن جڤاكی ژ سیاسی ورۆشنبیری و جڤاكی و ئابۆری بە ، ودا كو مل بملێ مێران رە جڤاكا كوردی ب ئاوایەكی ساخ و هشیار ئاڤا بكە.

یەكیتیا ژنێن كورد ل سووریێ، ب بۆنەیا سالڤەگەرا خوە، داخویانیەك بەلاڤ كرییە و كۆپیەك ژبۆ ئاركێ شادنیی، وتێدە كاروخەباتا یەكیتێ ددە زانین ودبێژە، یەكیتیا ژنێن كورد ل سووریێ د بەردەوامیا خەباتا خوە دەربارێ دۆزا ژنا كورد و جڤاكا كوردی د هەیاما ڤان سالێن بووری دە، كو شەر و پێكدادان ل سووریێ هەیە و مللەتێ كورد گەلەك زۆرداری وزەحمەتی ودەربەدەری و پەنابەری و كۆچبەری وكوشتن و گرتن و هەژاری و نەخوەشی دیتیە وهێژی بەردەوامیێ ب كار و خەباتا خوە ددە و ب سەركەفتن ناڤ دكە.

د داخویانیا یەكیتیێ دە هاتیە كو یەكیتی دێ بەردەوامیێ ب كاروچالاكیێن خوە بدە وبەژداری هەمی خوەپێشاندان و گرەڤ و پرۆتوستكرنا ل همبەر قونسلخانە و بالیۆزخانەیێن وەلاتێن بیانی ل هوندر وەلێت و ژ دەرڤەی وەلێت ببن .

یەكیتیا ژنێن كورد ل سووریێ، د داویا داخویانیا خوە دە ، دبێژە ، ئەو سۆز ددە ژنێن كورد كو بەردەوام دبن د كارو خەباتا خوە دە ژبۆ گوهەرتنا نەرینا جڤاكێ یا كێم دەربارێ ژنێ دە و نەرینیێن وێ و ئیدی بەس ژن راستی ئەشكەنجەیا جەسەدی و سایكۆلوجی وەرە و وێ مافێن ژنێ د یاسا و دەستوورا سووریا نوو دە بچەسپینە.

ر.ع

596