چهكدارێن پهيهدێ 200 چهكدارێن داعشێ رادهستى حكومهتا عراقێ كر
هاته راگهاندن كو چهكدارێن سوریایا دیمقوراتیك كو پهیهدێ بهشهكی سهرهكهنه تێده هژمارهك چهكدارێن داعشێ رادهستی حكومهتا عراقێ كرن كو بهریا نهها ژی هژمارهك دن ژ گرتیێن داعشێ رادهستى وان كربون .
هندهك مدیایێن عراقى راگهاندن كو چهكدارێن سوریایا دیموقراتیك 200 چهكدارێن داعشێ یێن كو شهر ل سووریێ دیل كهتبون رادهستى حكومهتا عراقی هاتن كرن .
ههر ل گوری زانیاریان كو ئهو گرتیێن داعشێ خودان رهگهزنامهیا عراقی بون كو ل دهڤهرا القائم ل روژئاڤایێ پارێزگهها ئهنبار هاتن رادهست كرن ژ بو حكومهتا عیراقێ .
بهریا نهها ژى ئهودهیا راگهاندنا ئهولههى عیراقى راگهاند كو وان 280 چهكدارێن داعشێ یێن خودان رهگهزنامهیا عراقى ژ چهكدارێن سوریایا دیموقراتیك ل سووریێ وهرگرتن كو د شهرێ دژی داعشێ ده ل سووریێ هاتبون گرتن .
ئهودهیا راگهاندنا ئهولههیا عیراقێ د داخویانیهك فهرمى ده راگهاندبو كو د شهرێن دناڤبهرا چهكدارێن قهسهدێ وداعشێ چهكدارێن قهسهدێ هژمارهك چهكدارێن بیانى هاتن گرتن كو دناڤ وانده 500 چهكدارێن خودان رهگهزنامهیا عیراقی ههبون .
ب ههزاران چهكدارێن داعشێ نهها ل جهم چهكدارێن پهیهدێ گرتینه كو پرانیا وان بیانى نه و وهلاتێن وان وهرگرتنا وان رهدكه مینا وهلاتێن ئهلمانیا ودهنمارك وبهلجیكا بتهنێ عراق چهكدارێن خوه یێن كو تهڤلی داعشێ بوبون وهردگره ژ بو كو ل عراقێ وهرن دادگهه كرن .
ههروهها بهریا حهفتیهكێ دو زاروكێن سعودى ب ریا حكومهتا ههرێما كوردستانێ هاتن رادهست كرن ژ بو وهلاتێن وان كو بهریا چار سالان ل گهل باڤێ خوه تهڤلی رهفێن داعشێ بوبون .
594
