داخویانیەك ژبۆ رایا گشتی

ئیرۆ(11.12.2018)، ئەنجومانا نشتیمانیا كوردی ل سووریێ داخویانیەك ژ بۆ رایا گشتی بهەلكەفتا (70) سالڤەگەرا رۆژا جیهانی یا مافێن مرۆڤان دەرخست.

گەلێن جیهانێ وتەڤی گەلێ كورد هەر سال ل (10) مەها چلێ پێشین پێشوازیێ ل رۆژا ناڤنەتەوەی یا مافێن مرۆڤان دكن.

د داخویانیا ئەنجومانا نشتیمانیا كوردی دە هاتیە، ئەڤ رۆژ ژ ئالیێ كۆمەلەیا گشتی یا نەتەوێن یەكبوویی ل سالا (1948) هات پەژراندن، و پشتی ئێش و ئازارێن مرۆڤان یێن درێژ ل گەل تاوانان ل دژی مرۆڤان ، ب تایبەتی د دەما د ناڤبەرا دوو شەرێن یەكەم و دووەم یێ جیهانی دە.

دانەزانا مافێن مرۆڤان (جارنامە) هاتە راگهاندن ژبۆ ناسینا مافێن سەرەكە یێن ولاتێن هەموو دەولەتان بێ جووداهیا نەتەوەی ، ئۆلی ، رەگەز یان رەنگ، و تەڤی گرنگیا داخویانیێ وخەباتا بەردەوام ژبۆ وەرگەراندنا تەكستێن وی ژبۆ پاراستنا ماف و روومەتا مرۆڤان، كو هین ژی مرۆڤ راستی زلم وبنپێكرن و تاوانێن جوربجور ل گەلەك جه و عەردا دبن، و ژ وان، ژن پارا هەری بهتر دبە.

هەروها زارۆك ژی راستی حورەیێن جودا یین ئەشكەنجەیێ و بێ پاركرنا ژ خوەندن و فێربوونێ دبن، و تەڤی لەشكەریا ب دارێ زۆرێ و تەڤلێبوونا د ناڤا جەنگ و شەران دە، و تەپەسەریا ملەتان ل سەر بنیاتێ نەتەوی بوویە نیشانا گەلەك دەولەتان، و گەلێ كورد ژی شیوەیێ ڤێ زلم وتەپەسەریێ و ژ هۆلێ راكرنا تایبەتمەندیێن وێ یێن نەتەوی، كو راستی گەلەك شەرێن قركرنێ هاتیە وهەتا ب ئاوایەكی ل دژی چەكێن كیمیایی هاتنە بكارئانین.

هەر وسا د داخویانیا ئەنجومانێ دە هاتیە، توركیێ هێژی مافێن نەتەوەی یێن هەری بنگەهین ژبۆ گەلێ كورد پاشگوه دكە، و ل باژارێن كوردستانا ئیرانێ بدارڤەكرن دیمەنێن ترسێ یێن رۆژانە نە، ول سووریێ بنپێكرنێن مافێن مرۆڤان هەر ژ دەما دەستهلاتداریا پارتیا بەعس ل دەستپیكا سالێن شێستی یێن بۆری ڤە و هەتا نها، زێدەتر دبن و وەلات بوویە جهێ ستەمكاریا وێ، و گەلێ كورد ل سەر دەستێ وی راستی زلم و سیاسەت وپرۆژەیێن نەژادپەرەستیێ ب ئاوایەكی سیستەماتیك هاتیە ب ئارمانجا تونەكرنا وی هەر ژ گوهەرتنا ناڤ و شوێنەوارێن كوردان و هەتا بگهە سەرژمێریا ئاوارتە و پرۆژەیا كەمبەرا عەرەبی یا كرێت، هەتا ب پێك ئانینا كۆمكۆژیا خویندار یا ب دەستێ رێژیمێ ل قامشلۆ د سالا (2004) دە یا ب ئارمانجا تێكشكانا ڤینا تیكۆشینا گەلێ مە، و پشتی دەستپێكا شۆرەشا گەلێ سووریێ یا ل دژی ستەم و دكتاتۆریێ، گەلێ سووری ب هەموو پێكهاتەیێن خوە یێن جڤاكی ونەتەوەی راستی تاوانیێن مەزن و فەلاكەت و بێ میناك هاتن، ب تایبەتی ژن و زارۆك ، كو بوونە قوربانیێن هەری مەزن یێن وان تراژەدیان و گەلێ كورد ژی ژ ڤان ئێش و فەلاكەتان بێ پار نەبوو، و كۆبانێ ژ ئالیێ چەتەیێن تەرۆریست ب سەركێشیا "داعشێ" هات داگیركرن، و ب تەمامی و بەرفرەهی هات وێرانكرن، و خەلكێ وێ ب گرسەیی كۆچبەر بوون.

ئەنەكەسێ بال كشاند سەر عەفرینێ وگۆت:" ئیرۆ عەفرین و خەلكێ وێ هێژی راستی تاوانێن مەزن یێن مرۆڤاتی دبن ل سەر دەستێ چەتەیێن كۆمێن چەكدار یێن هەڤپەیمانێن توركیێ د دەما داگیركرنا ب دارێ زۆرێ، و ستاندنا باج و خەرجان و شەوتاندنا زەفیێن زەیتونان و دزی و تالانكرنا ملك و مالان و هاوردكرنا عەربێن ژ غۆتا و ژ دەڤەرێن دن ل عەفرینێ ژبۆ پێكئانینا گوهەرتنەكە دەمۆگرافی یا سیستەماتیك ، كو د دەما ئەنجومانا نشتیمانیا كوردی ب تووندی ڤان بنپیكرن وتاوانان شەرمەزار دكە، هەڤدەم ل ڤی رۆژێ بەرپرسیاریا دەرخستنا ڤان كۆمێن چەتەیان ل عەفرینێ تێخە ل سەر ستوویێ توركیێ و هەروسا بانگ ل جڤاكا ناڤ نەتەوەی و ولاتێن تێكلدار و رێخستنێن مافێن مرۆڤان یا نەتەوێن یەكبووبیی دكە ژبۆ دابینكرنا ڤەگەرا كۆچبەرێن عەفرینێ ب ئاوایەكی ئارام و پەیداكرنا پێدڤیێن ژیانا وان و رادستكرنا رێڤەبرنا وێ بۆ خەلكێ وی و پاراستنا ناڤ نەتەوی.

ئەنەكەسێ گۆت:" ل هەرێمێن كوردی یێن دن، یێن دبن دەستهلاتا دارێ زۆرێ یا پەیەدێ دە، كو ژ ئالیێ رێڤەبەریا وی و دەزگەهێن وی یێن ئەولەكاریێ، كو رێزگرتنێن مافێ مرۆڤان یێن ولاتێن كورد تێنە بنپێكرن، هەر ژ لەشكەریا ب دارێ زرێ وهەتا ستاندنا باج و خەرجێن مەزن یێن بوونە بارگرانی ل سەر ملێ وەلاتیان و تەڤی دەست دانینا ل سەر ملكیەتا تایبەت ب دارێ زۆرێ، و زێدەباری سەپاندنا رێبازا ریڤەبەریا خوە ل سەر خوەندنێ، كو ژ ئالیێ رێخستنێن ناڤ نەتەوی یێن تێكلدار ڤە نە هاتیە پەژراندن، كو ئەڤ یەك بوویە سەدەما كۆچبەریا خوەندەكار و مالباتێن وان بەر ب ناڤچەیێن هوندر یێن سووریێ، و د دیمەنێن تراژیدیا دە دایك زارۆكێن خوە ژ تاخەكە دن ، كو یەك ژ ئاوایی خزمەتا فێربوونا زمانێ زكماكی ناكێ، هەڤدەم كو مافەكی خوەزایی یێن مرۆڤانە، و هەردەم داخوازەكە سەرەكە بوو ژ داخوازێن تەڤگەرا كوردی بوو و هەروسا ژ ئالیێ دەسهلاتا وێ ڤە ب دەهان كادرۆیێن ئەنجومانا نشتیمانی یا كوردی و ریڤەبەر و وچالاكڤان و خودانێن رادەربرینێ هاتنە بنچاڤكرن، و هێژی گەلەك ژ وان بنچاڤكری نە و تەڤی داخستنا ئۆفیسێن پارتیێن سیاسی یێن ئەنەكەسێ و ئاستەنگیێن ل سەر ئازادیێن گشتی و قەدەغەكرنا بزاڤێن گرسەیی و ئاشتیانە، كو كریار و گەلەك كریارێن دن بوونە سەدەمێن كۆچبەریا ب دەه هەزاران ژ ولاتیێن كورد.

ل ڤێ رۆژێ و د دەما كو ئەنجومانا نشتیمانیا كوردی، ڤان كریار شەرمەزار دكە هەڤدەم بانگ ل هەموو رێخستنێن مافێن مرۆڤان دكە ژبۆ فشار و زەختسێ بكن ل سەر پەیەدێ ژبۆ راوەستاندنا بنپێكرنێن خوە و ڤەگەرا ل سەر ریێا راست ژبۆ پەیداكرنا هێڤیان ل جەم گەلێ كورد و ئاتمۆسفێر وسەقایەكە ئەرینی ژبۆ تێگەهشتن ودیالۆگ و لهەڤهاتنێ د سالڤەگەرا(70) یا رۆژا جیهانی یا مافێن مرۆڤان دە، هەروسا ئەنجومانا نشتیمانیا كوردی بانگ ل نەتەویێن یەكبوویی و یێن تێكلدار دكە ژبۆ سەرەدێریێ بكن .

ر.ع

652