هوورگولیێن ئوپه‌راسیۆنا ئاسمانیا توركیا بۆ سه‌ر باره‌گه‌هێن پەكەكە ل شنگال, مه‌خموور, و رۆژئاڤایێ كوردستانێ
آرك نيوز.. شەڤا بووری بالەفرێن شەر یێن توركیا ئۆپەراسیۆنەكە ئاسمانی ل سەر بنگەه وبارەگەهێن پەكەكە ل نێزیكی قەرەچۆخ ل رۆژئاڤایێ كوردستانێ , ومەخموور وشنگال وچیایێ قەرەچۆخ ل هەرێما كوردستانێ ئەنجامدا.
ژێدەرێن خوەجهی ژ رۆژئاڤایێ كوردستانێ ژ ئاركێ رە راگەهاندن كو شەڤا بووری نێزیكی دەم ژمێر دەهێ شەڤێ ب دەما رۆژئاڤایێ كوردستانێ بالەفرێن شەر یێن توركیا بارەگەهێن پەكەكە ل نێزیكی گوندێ تەقل بەقل یێ سەر ب دێركا رۆژئاڤایێ كوردستانێ ڤە وهەروەها ویستەگەها چارێ یا كۆمكرنا پەترۆلێ بۆمبەبارانكرن.
وژئالیێ خوەڤە دژە تیرۆرا كوردستانێ هوورگولیێن ئۆپەراسیۆنا ئاسمانیا توركیا بۆ سەر بنگەه وبارەگەهێن پەكەكە ل شنگال وچیایێ قەرەچۆخ ومەخموور ئەشكەرەكر وگۆت كو بالەفرێن شەر یێن توركیا 10 بنگەه وبارەگەهێن پەكەكە ل سێ ناڤچەیێن جودا بۆمبەبارانكرن.
وەكە دژە تیرۆرا كوردستانێ دایەزانین ل سینوورێ قەزا شنگالێ بالەفرێن شەر یێن توركیا ژمارەیەك بنگەه وبارەگەهێن پەكەكە بۆمبەبارانكرن ودئەنجامێ دە كوشتی وبریندار كەتن.
هەروەها دژە تەرۆرا كوردستانێ گۆت كو ل چیایێ قەرەچۆخ 6 بارەگەهێن پەكەكە ژ ئالیێ بالەفرێن شەر یێن توركیا ڤە هاتنە ئارمانجكرن, و 2 بنگەه وبارەگەهێن پەكەكە یێن دە ل ناڤا خاكا رۆژئاڤایێ كوردستانێ , و 2 بارەگەهێن پەكەكە ل چیایێ شنگالێ وناڤچەیێن هەڤسینووری یێن شنگالێ ب رۆژئاڤایێ كوردستانێ رە ژئالیێ بالەفرێن شەر یێن توركیا ڤە هاتنە ئارمانجكرن.
وەكە دژە تەرۆرا كوردستانێ دایەزانین كو د ئەنجاما ئۆپەراسیۆنا ئاسمانیا توركیا دە كوشتنی وبریندار كەتن, وزیانێن مادی ژی هاتنە تۆماركرن , لێ هەتا وەكە نها ژمارەیا كوشتی وبرینداران نەهاتیە زانین.
وژئالیێ خوەڤە ژێدەرێن راگەهاندنێ یێن هەرێما كوردستانێ دانەزانین كو بالەفرێن شەر یێن توركیا ژمارەیەك بنگەه وبارەگەهێن پەكەكە ل نێزیكی كەمپا مەخموور بۆمبەبارانكرن, ول ناڤا باژارۆكێ مەخموور ئاگرێ مووشەكان هاتە دیتن.
وەكە ژێدەرێن كوردستانێ یێن راگەهاندنێ دبێژن كو بالەفرێن شەر یێن توركیا 7 جاران بارەگەهێن پەكەكە ل سینوورێ مەخموور كرنە ئارمانج.
شرۆڤەكارێن سیاسی دبێژن كو پەكەكە بەردەوام بەهانەیان بۆ توركیا دورست دكە تاكو گوند وباژار وناڤچەیێن كوردی ل هەرێما كوردستانێ ورۆژئاڤایێ كوردستانێ بۆمبەباران بكە, وپەكەكە شەرێ خوە ب توركیارە بۆ ناڤا ناڤچەیێن كوردی ڤەدگوهازێ, و ژ دەما كو پەكەكە هاتیە دامەزراندن وهەتا وەكە ئیرۆ یەك بۆست ژ خاكا باكوورێ كوردستانێ رزگارنەكریە.
159
