سهروك بارزانى ل گهل پومپيو رهوشا كوردستانا سووريێ گهنگهشه كر
سهروك مسعود بارزانی پێشوازیا وهزیرێ دهرڤه یێ ئهمهریكا مارك بومبیو وشاندا ل گهل ده كر وبهحسا مژارێن گریدایی رهوشا سیاسی ل عیراقی وههرێما كوردستانێ ههروهها پێشهاتهیێن داوی ل كوردستانا سووریێ وپێشهورژا ملهتی كورد ل سووریێ .
ئوفیسا سهروك بارزانی داخویانیهك دهربارێ سهرهدانا پومپیو بهلاڤ كر تێده دیاركرن كو د جڤینا سهروك بارزانی ل گهل پومپیو بهحسا ناكوكیێن دناڤبهرا حكومهتا عیراقی وههرێما كوردستانێ ورهوشا سیاسى ل عیراقێ هاته كرن .
بومپیو د ههڤدیتنا خوه ده ب سهروك بارزانی ره كێفخوهشیا خوه ب كارێ ههڤبهش دناڤبهرا ئهمهریكا وهێزێن پێشمهرگهیێن كوردستانێ ئانی كو د ئهنجام ده گهلهك سهركهفتن ل دژی تهرورێ بدهست خستن .
رهوشا سووریێ وپێشهاتهیێن وێ تهوهرهكی سهرهكه بو د جڤینێ ده كو پومبیو سیاسهتا وهلاتێ خوه د سووریێ ئهشكهره كو وبهحسا بریارا ڤهكشاندنا هێزێن خوه یێن لهشكهری ژ سووریێ كر .
سهروك بارزانی ژ ئالیێ خوه ڤه فكارا خوه دهربارێ چارهنڤیسا گهلێ كورد ل سووریێ ژ پومبپو ره دیاركر وهیڤی كو كو گوههرتنێن داوی نهبن سهدهم ژ بو شكهستن وئێشێ ژ گهلێ كورد ل سووریێ ره .
پشتی جڤینا خوه ب سهروك بارزانی ره وهزیرێ دهرڤه یێ ئهمهریكا ل گهل سهروكێ حكومهتا ههرێما كوردستانێ نیچرڤان بارزانی وراویشكارێ ئهنجومهنا ئاسایشا ههرێما كوردستانێ مهسرور بارزانی ره جڤیان كو هاته راگهاندن كو د ههمان جڤینان ده بهحسا رهوشا گهلێ كورد ل كوردستانا سووریێ هاتیه كرن .
384