ئسرائيل بارگههێن حزب الله ل سووريێ توپاران كر
توپخانهیا اسرائیل هندهك بارگههێن میلیسێن حزب الله لبنانى ل پارێزگهها قنیتره یا سوری توپاران كر كو ل گوری ئاژانسێن فهرمى زیان بتهنێ مادى بون وتو زیانێن جانى نهكهتن .
هندهك ژێدهرێن خوجههی راگهاندن كو ئارتێشا اسرائیلێ ب تانكهر وتوپان ناڤهندێن چهكدارێن حزب الله ل باژاروكێن جباسا الخشب وباژارێ قنیتره وباژاروكێ المعلقه ل گوندهوارێ قنیتره توپاران كرن .
ههمان ژێدهرێن ناڤبوری ئهشكهره كرن كو بهریا دهمهكێ ئیران ئهو دهڤهرێن كو هاتن توپاران كرن بهێز كربو ب ریا چهكدارێن رێژیما سووریێ ومیلیسێن حزب الله یا لبنانی لێ ژێدهرێ ناڤبوری بهحسا زیانێن جانێ د ئهنجاما توپارانێ ده نهكر .
رێژیما سووریێ ژ ئالیێ خوه ڤه ب ریا ئاژانسا خوه یا فهرمى سانا راگهاند كو ئسرائیل خهستهخانهیا قنیتره یا وێران كری توپاران كر ههروهها هندهك توپ ب سهر جباسا الخشب ده ئاڤێتن كو بگوتنا وان زیان بتهنێ مادى بون .
ئاژانسا ناڤبوری ههروهها تهكهز كر كو اسرائیل دهڤهرا تل الدرعیه یا ب سهر قنیتره ڤه توپاران كر كو د ئهنجام ده گهلهك زیانێن مادی كهتن د ئهنجاما توپارانا ئسرائیلی ده .
ئهڤه دهمهكه اسرائیل بهردهوامه د توپارانا ئاسمانی وبژایی ل سهر ناڤهندێن ئیرانى ویێن حزب الله ل سووریێ كو د ئهنجام ده ب دههان چهكدارێن ناڤبوری هاتنه كوشتن وگهلهك زیانێ مادى گهشتن وان .
ههروهها ئهڤ ئیریش تێن پشتیى گوتنێن بهرپرسێن ئیرانى كو ئهوێ اسرائیل ژ ههبونێ ژناڤ ببن ئهگهر بهردهوام به ل سهر ئیریشێن خوه ل سهر ناڤهندێن وان ل سووریێ لێ ئیسرائیل بهردهوامه د ئیریشێن خوه ده تهڤێ گهفێن بهردهوام یێن بهرپرسێن ئیرانی .
323