"وول ستریت" راپۆرتەكێ دەربارێ رسواكرنا رێژیما ئەسەد ژ وەلاتیێن سوری رە ل سازیێن دەولەتێ بەلاڤ دكە

رۆژناما زەوول ستریت جۆرنال"The Wall Street Journal" د راپۆرتەكێ دە، هژمارەك ژ چیرۆكێن وەلاتێن سڤیل یێن بەلگەیێن ناسنامەیێ و یێن هەڤژینێ و قەیدكرنا ناڤێن زارۆكان ل رەخ وان تونە نە بەلاڤ كر، و ل گۆری رۆژنامەیێ ئەڤ یەك ڤەگەراند سەدەما كو رێژیما ئەسەد ژ بەلگەیێن فەرمی نادە دژبەرێن خوە.

رۆژنامەڤان رجا عبدالرحیم ، د راپۆرتا خوە دە بال كشاند كو رێژیما ئەسەد ب ئاوایەكی سەرەكە ب رییا "دەفتەرا مالباتێ" هەولا رسواكرنا وەلاتیان ددە، و دیار كر كو رێژیمێ دەستهلاتەكە دن ب ئاوایێن هۆڤانە ل سەر وەلاتیان سەپاندیا، پشتی كۆنترۆلكرنا دەڤەرێن بەرفره یێن د دەستێ شۆرەشان دە.

د راپۆرتێ دە هاتیە كو سەبارەت ب رێژیمێ، هەر وەلاتیەكی سوری كو ناڤێ وی د"دەفتەرا مالباتێ" دە ب ئاوایەكی فەرمی نەهاتی بە تۆماركرن ئەو تونە یە، و دەستوور ژێ رە نایێ دان كو بكەڤە د دبستانان و نەخوەشخانەیان دە و سوود ژ چ خزمەتان وەرگرە.

راپۆرتێ ئاماژە ب چیرۆكا مریەم دكە، ئەو دایكەكا سووری یا دیا سێ زارۆكانە، وێ ب قاسی سالەكێ هەول دا ژ بۆ قەیدكرنا ناڤێن دو زارۆكێن خوە، لێ ئاستەنگیا هۆڤانە ئەو، دایك نكارە ناسنامەیا باڤێ وان یێ ب دەستێ رێژیمێ هاتیە كوشتن پشتراست بكە.

راپۆرتێ دیار كریە كو زەحمەتیا كو مریەم و سڤیلێن دن یێن ل دەڤەرێن رزگاركری دژین دكشینن، زەحمەتیا بدستخستنا بەلگەیێن پێویستە، كو دڤردە تراژەدیا وەلاتیێن سووری یێن كەتنە بەر پەیمانێن چارسەرییا بدارێ زۆرێ خویا دكە، و دیار كر كو " دڤێ خەلكێ سووریێ سەبرێ بكشینن هەتا هاتنا دەولەتا ئەسەد جارەكە دن هەموو ئاوایێن خوە ڤە".

رۆژنامەیێ دیار كرییە كو هەر مێر و ژنەك هەڤژینیێ بكن دڤێ ئەو دەفتەرا مالباتێ دەرخینن، لێ ژبۆ كەسێن ژ دەرڤەیی ناڤچەیێن د دەستێ رێژیمێ دە، پێدڤی ب پارێزەر و بدیدەڤانان و ب دراڤەكی گەلەك هەیە، و گەلەك جاران هەموو كەس نكارن پەیدا بكن.

و راپۆرتێ دیار كرییە كو هن وەلاتییان ب جارەكی خوە قەید نەكرنە، ژ بەر ترس و نیگەرانیا وێ ژ تێكلیلیا ب حكوومەتا ئەسەد رە، و د دەما سەردانا سازی و ئۆفیسێن حكوومەتێ دە ژ بنچاڤكرنا خوە دترسن.

رۆژنامەیا "The Wall Street Journal" د داویا راپۆرتا خوە دە بەحسا تراژیدیا مریەم دكە، كو هەڤشێوەیێ تراژیدیا ب هەزاران ژن و مێرێن سووریێ یە، دبێژە:" گەلەك كەس ل شامێ هەنە هەست ب ئالۆزیێن مە یێن ئەم تێ رە دەرباس دبن ناكن، دەما ئەم دخوازن ببن هەموەلاتێن ئاسایی".

ر.ع

419