ینس ستۆلتنبرگ: دەربارێ رۆژهلاتێ فەراتێ ناكۆكی ناڤبەرا وەلاتێن ناتۆ دە هەنە
آرك نيوز...سكرتێرێ گشتی یێ پەیمانا باكوورێ ئەتلەس دبێژە كو دەربارێ رەوشا رۆژهلاتێ چەمێ فەراێ ناكۆكی ناڤبەرا وەلاتێن ئەندامێن ناتۆ دە هەنە .
ینس ستۆلتنبرگ سكرتێرێ گشتی یێ پەیمانا باكوورێ ئەتلەس كو ب ناتۆ تێ ناسكرن راگەهاند كو رەوشا باكوورێ رۆژهلاتێ سووریێ نە ئارامە وگەلەك ئالۆزی تێدە هەنە , ودناڤبەرا وەلاتێن ئەندامێن ناتۆ دە ژی ناكۆكی هەنە , ودەما بەحسا باكوورێ رۆژهلاتێ سووریێ د جڤینێن ناتۆ دە تێكرن , بەردەوام جڤین ب كێشە وئالۆزیان دەستپێ دكن .
هەروەها ینس گۆت كو ب تەنێ یەك دەنگی دەربارێ پاراستنا دەسكەفتان هەیە , كو د شەرێ دژی تەرۆرێ ب دەستڤە هاتنە .
سكرتێری گشتی یێ ناتۆ دبێژە بەردەوام ناتۆ پشتەڤانیا هەولێن نەتەوێن یەكگرتی دكە داكو كریزا سووریێ ب ریێا چارەسەریەكە سیاسی چارەسەر بكە .
هەروەها سكرتێرێ ناتۆ ئاماژە ب وێ چەندێ دا وگۆت كو ژمارەیەك وەلاتێن ئەندامێن ناتۆ ئیدانەیا ئێریشا توركیا وگرووپێن ب سەرڤە بۆ سەر رۆژئاڤایێ كوردستانێ كرن , وب تایبەتی كو دئەنجامێ دە ب سەدان هەزار كەس دەربدەر وپەنابەر بوون .
دەما كو ئێریشا توركیا بۆ سەر رۆژئاڤایێ كوردستانێ دەستپێكر , ژمارەیەك وەلاتێن ئەندامێن ناتۆ ئێریش ئیدانەكرن , وداخوازا راوەستاندنا ئێریشێ كرن , وچەند وەلاتەكی فرۆتنا چەكان بۆ توركیا قەدەغەكر.
وژئالیێ خوەڤە وەلاتێ ئەلمانیا پرۆسەیەك پێشكێشكی ناتۆ كر وتێدە داخوازا ئاڤاكرنا ناڤچەیەكە ئارام ل رۆژهلاتێ چەمێ فەرتێ ب سەرپەرشتیا یەكیتیا ئۆرۆپا كر , وگۆت كو 40 هەزار لەشكەر وێ ناڤچەیێ بپارێزە .
376