لێكۆلینن ئەمەریكی دەربارێ تاوانباركرنا رێژیما ئەسەد دە ب پێكئانینا تاوانێن شەر نێزی بداویكرنێ دبن

كۆڤارا "فۆرن پۆلیسی" یا ئەمەریكی ئەشكەر كر كو لێكۆلینێن ناڤنەتەوەی یێن ژ بۆ تاوانباركرنا رێژیما ئەسەد و رێخستنا چەتەێن داعش ل سەر پێكئانینا تاوانێن جەنگێ ل دژی وەلاتیێن سڤیل ل سووریێ دێ نێزیك ب داوی ببن، و ئەڤ یەك هەڤدەم تێ لگەل نڤیساندنا خالێن داویێ ل سەر یاسا"قەیسەر" یا ژ ئالیێ رێڤەبەریا ئەمەریكا دبە ژبۆ سەپاندنا سزایێن بەرفره ل سەر رێژیما ئەسەد و ئالیگرێن وێ.

كۆڤارا ئەمەریكایێ د راپۆرتا خوە دە ل سەر زارێ سایتا "نداء – سوریا"، بالێ دكشینە كو كۆمیتەیا دادپەروەری و لێپرسینا ناڤنەتەوەی سی ئای ژی ئێ(CIJA) د ئادار بێ دێ " لێپرسینا داویێ و بەرفره ل سەر تاوانێن دكتاتۆرێ سووریێ بەشار ئەسەد " تەمام بكە.

لێپرسین پالێ ددە سەر بێتر ژ (800) هەزار برووسكێن فەرمی ێن چار دەزگەهێن ئیستخباراتان و ئەولەكاریێ یێن مەزن ل سووریێ، یێن د دەستێ رێخستنێ دەنە، و ئەو ب رێیا رێخستنێن مافێن مرۆڤان ل سووریێ كەتنە دەستێ كۆمیتەیێ .

ئەڤ بلگە پشتراست دكن كو ئەڤ دەزگەهێن ئیستخباراتێ ب سەرپەرشتییا ئەسەد بەرپرسیارن دبەر كوشتنا نێزیكی نیڤ ملیۆن دە، و ب داویهاتنا لێپرسینێ یەكسەر وێ (10) دۆزگەرێن یاسایی ل دژی ئەسەد و رێژیما وی و (6) دۆزێن دن ل دژی رێخستنا چەتەیێن داعشێ ڤەبن، و تۆمەتباركرنا وان ب پێكئانینا تاوانێن دژی مرۆڤاهیێ.

سكرتێرێ گشتی یێ نەتەوەێن یەكبووی ، ئانتۆنیۆ گوتیرێس، ژ ئالیێ خوەڤە، داخوازا ڤەگوهەستنا دۆسەیا سوری ژبۆ دادگەها تاوانێن ناڤنەتەوی كربوو، هەڤدەمی كو سەرۆكا مەكانیزما بێ ئالی و سەربخوە ژبۆ لێپرسینێ، كاثرینە مارشی ئۆل، پار د جڤینا نەفەرمی یا جڤاتا گشتی یا نەتەوێن یەكبووی دە، وەرگرتنا (700) هەزار بلگەیێن تاوانێن شەر ژ دەستپێكا شۆرەشا سووریێ راگهاندن بوو.

وتەكەزی ل سەر ئامادەبوونا مەكانیزمێ ككر ژبۆ بدستخستنا بلگەیێن زێدەتر یێن تاوانێن شەر دژی سڤیلان ل سووریێ.

ئالیێن ئۆپۆسزیۆنا سووریێ ژی، تەكەزیێ ل سەر پێكئانینا تاوانێن شەر یێن فره ل سووریێ ل سەر دەستێ رێژیما ئەسەد دكە، و وی بەرپرسیار دبینن دبەر كوشتنا بێهتری ژ نیڤ ملیۆن مرۆڤی ب رییا بكارئانینا چەكێن نۆرمال و قەدەغەكری و دۆرپێچكرنا باژار وباژارۆك وبرچیكرنا خەلكێ و زێدەباری بنچاڤكرن ورەڤاندنا ب دە هەزاران كەس، ژبلی كۆچباركرنا ب ملیۆنان بەر ب دەرڤەیی وەلات.

ر.ع

472