تربەسپیێ كریزا نان ونانخانەیان دەركەتیە

خەلكێ تربەسپیێ ژ نەبوونا نان دنالن و كریزەكە نان ونانخانەیان دەركەتییە هۆلێ كو ژ(4) سالێن بووری دە تشتەكی وسا چێ نەبوویە، ئەوژی ژبەر نەبوونا ئاردێ كو بەحساب دڤێ رۆژانە پێشكێشی نانخانەیان بێ كرن.

ل گۆر مالپەرا ئەنجوومانا نشتیمانیا كوردی ل سووریێ بەلاڤ كریە، ودبێژە :" بەریا نها ب ئاوایەكی رۆژانە نان ل نانخانەێن باژاری هات چێ كرن لێ نها هەر(2) رۆژان جارەكی تێ چی كرن ئەڤە حەفتییەكە ئەڤ كریز دەركەتییە ، وخەلكێ باژارێ ژ وێ كرێزێ دنالن".

ل باژاری تربەسپێ (13) نانخانە وفرن هەنە، ژ وان نانخانەیان (7) ئۆتۆماتیكی نە و (6) ژی فرنێ ژ بەروكەڤرانە ، وب ڤی ئاوایی پێدڤییا خەلكی باژارێ تەبەسپێ و گوندەوارێن وێ ژ نان تێ دابین كرن ب ئاوایەكی رۆژانە .

هە ل گۆر ژێدەرێ، رێڤەربەریا خۆراكا باژێر و دەستهلاتا وێ ئاگادارە و دزانە چما پارا ئاردێ پێویست ژبۆ وێ ناڤچەیێ ناێ دابەشكرن ، لێ خودان نانخانەێ باژێر و خەلكێ وێ نزانن چما؟؟؟، تشتا كو دزانن ئەڤە حەفتییەكە ئەڤ كریز دەركەتی هۆلێ ومللەت نەچارە نان ب نرخەكی بلند بكرن.

پشتی ڤێ كریزا نان ، پێدڤییا هەر مالبەتكێ ب نێزی (1000) لێرەیێ سووریێ ب ئاوایەكی رۆژانە هەیە ژبۆ دابینكرنا نانێ خوە.
ل گۆر ژیدەرێن خوەجهی ل باژارێ حەسەكێ، ئەڤ كریز ل باژارێ حەسەكێ ژی هەیە، نانخانە و فرنێ باژێر (30) بوون، لی پرانیا وان ژ كار كەتن ژبەر نەبوونا ئارد و ئەڤە رۆژا 3 باژار ئارد نەهاتییە باژێر.

ژ خوە تەڤاهیا ناڤچەیێن كوردستانا سووریێ ژ جۆرایەتی و كۆالیتیا نان و نەباشبوونا وی دنالن وگازندان دكن ، ودبێژن نان تژی ناڤ دە سپی و كورمن وتاما وی هنەكە تالە.

ر.ع

387