سەركردەیەك پێشمەرگەێ رۆژ: ئەم ئامادەنە پاراستنا رۆژهلاتێ چەمێ فراتێ بكن

سەركردەیەك پێشمەرگەێ رۆژ ئەشكەرە كر كو ئەو ئامادەنە ل رۆژهلاتێ چەمێ فراتێ بەلاڤ ببن و پاراستنا دەڤەرێ بكن ، لێ دا زانین كو چ پلانەكە زەلال ژبۆ ئاڤاكرنا دەڤەركە ئەولە ل رۆژهلاتێ چەمێ فراتی هەتا نها نینە.

مقدم دلۆڤان رۆباری، سەركردە دناڤا پێشمەرگەیێن رۆژ دە، ژبۆ رۆژنامەیا شرق الاوسط گۆت:" بەلێ ، ئۆپۆزسیۆنا سووریێ بەحسا بەژداربوونا مە دگەل هێزێن بژاردە ئانگو النخبە ژبۆ پاراستنا دەڤەرێ ل گەل سەرۆك بارزانی و سەركردەیێن ئەنجوومانا نشتیمانیا كرودی ل سووریێ كر ، لێ تەنی گۆتووبێژنە گشتی بوون وداخویانیكرنا نەرینان بوو، بێ كو چ پلانەكە زەلال هەبە و ئاوایێن ڤی ناڤچەیێ وەرە دیاركرن ل سەر سنۆرێ هەرێما كوردستانا سووریێ ب توركێ رە ، لێ ئەم وەك هێزەكە لەشكەری پێكهاتی ژ كوردێن سووریێ ، ئەم دخوازن رۆلەك مە هەبە د پاراستنا ناڤچەیێن مە دە، ژبەر دەستێ مە ب خوینێ نەبوویە و مە بەشداری د شەرێ هندورێ سووریێ دە نەكرییە.

دەربارێ تێكلیێن ب قەسەدێ رە، رۆباری گۆت:" چ پەیوەندیێن مە ب قەسەدێ رە نینە ژبەر كو ئەو دخوازن ئەم دبن سێوانەیا وان كار بكن و ئەم ژی ڤێ یەكی رەد كن وباوەریا مە ب رێڤەبەریا هەڤبەش هەیە كو مللەت وەرە هلبژارتن و تێدە هەمی پێكهاتەێن دەڤەرێ بەشدار ببن، نە پارتییەك سیاسی ب تەنێ نەرینا خوە ب دارێ زۆرێو بهێزا چەكێ ل سەر خەلكی دە بسپبینە".

رۆباری ژبۆ رۆژنامەیا شرق الاوسط دا زانین كو، لەشكەرێ رۆژ هیزەكە لەشكەرییە و ژ دوو گۆتنان پێك تی و لەشكەر د زمانی عەرەبی دە ئانگۆ الجیش ، لێ رۆژ ئانگۆ الشمس وئەڤ هیز ل هەریما كوردستانێ د ئادارا سالا (2012) دە پێك هاتیە ژ كوردێن كو ژ ئارتێشا سووریێ جوودا بوونە و پەنابەری هەرێما كوردستانێ بوونە وئەو جوانێن كو ژبەر لەشكەرییا نەچار یا پەیەدێ رەڤینە و هەروەها بەشكە ژ وان كوردێن سووریێ یێن ل هەریما كوردستانێ دمینن و ب ئاوایەكی خوەبەش تەڤلێ رەفێن پێمشەرگە بوونە.

ئەو هێز ئاڤابوویە داكو ڤالاهییا ئەولەهی ل كوردستانا سووریێ بپارێزن و و ب دەهی خۆلان هەتا نها دەرچوونە و ل سەر دەستێ كەسین پسپۆر مەشق و راهێنان كرنە .

وهەمی رەنگ و جۆرێن چەكان ناس دكن ودزانن ب ئاوایەكە پرۆفیشنال بكاربینن و بەژداری شەرێ ل دژی داعشێ بوونە وسەركەفتن و داستان تۆماركرنە.

رۆباری سەر بار كر و گۆت:" مە بەژداری شەری سووریێ نەكرییە لێ مە هەڤشانێ پێشمەرگەیێن هەرێما كوردستانێ ژەر ل همبەر داعشێ كرییە و بەرەڤانی ل خاكا كوردستانێ كرییە.

سەركردەیێ پێشمەرگە ، دلۆڤان رۆبارێ ، ئەشكەرە كر كو هیزا وان دبن سێوانە ئەنجوومانا نشتیمانییا كوردی ل سووریێ "ئەنەكەسێ" دە كار دكە و ئەنەكەسی دبینە مینا سێوانەیا وێ یا سیاسی ودبێژە ئەو باوەرە هێزا وان ل كوردستانا سووریێ بەلاڤ ببە دێ ئەولەهییا دەڤەرێ بپارێزە و وێ شەر ژ دەڤەرێ دوور بخە و ودی تێكلیێ ب دەولەتێن جیران رە بپارێزە و ووێ جیانە باش بن ، ژبەر كو ئەو باوەریێ ب هەڤكاریێ ووەكهەڤیێ دهێنن .

ر.ع

399