رۆژنامەیەك: ئەمەریكا ئامەدەكاریێن خوە دكە ژبۆ ڤەكشاناتەمامیا هێزێن خوە ژبەری داویهاتنا مها گولانێ

رۆژنامەیا "وول ستریت جورنال" ل سەر زارێ هنەك بەرپرسێن ئەمەریكی ئەشكەرە كرییە، كو پێنتاگۆن ئامادەكاری ژبۆ گەكشانا هەمی هێزێن لەشكەری یێن ئەمەریكی ژ سووریێ بەری ب داویهاتنا مها گولانێ، پشتی نیزیكبوونا داویهتنا شەرێ "داعش"ێ ل سووریێ، كرییە.

هەر ل گۆر ژێدەران ، پێنتاگۆن پلان دكە، كو ئەگەر رێڤەبەرییا سەرۆكێ ئەمەریكا ، دۆنالد ترامپ، رێبازا خوە یا نها نەگوهەرە، ژبۆ ڤەكشانا بەشێ هەری مەزن ژ هێزێن ئەمەریكی ژ سووریێ هەتا مەها ئادارێ، دگەل بجه ئانینا ڤێ پرۆسەیێ د داوییا مها گولانێ دە.

ئەڤ پلان هەڤدەمی وێ یەكێ تێ كو رێڤەبەرییا ترامپ جڤینێن خوە ب توركێ رە پر دكە، ژبۆ ئمزا كرنا رێكەفتنەكێ ژبۆ چارەنڤیسا رۆژهلاتێ چەمێ فراتێ و پاراستنا هەڤپەیمانێن وێ ، لێ هەتا نها چ رێكەفتن ئەشكەرە نەبوویە كو ئارمانجا ئەمەریكا بجه بینە.

هەر ل گۆر رۆژنامێ، ڤەكشانا هێزێن ئەمەریكی بلەزتر تێ ژ چارەسەریەكە سیاسی ژ دەڤەرێ رە .

د(19) مها دووزدا یا سالا بووری دە، ئەمەریكا بریارا ڤەكشانا هیزێن خوە ژ سووریێ راگهاند بوو، پشتی نەمانا رێخستنا تەرۆری داعشی.

وئەو گاڤا ئەمەریكا راستی گەلەك رەخنەیان هات ، چ ژ ئالیێ رایەدەرێن ئەمەریكی ڤە بە و چ ژ ئالیێ دۆستێن وێ ل سووریێ و مەیدانا سیاسی یا ناڤدەولەتی ڤە بە .

ئەمەریكا ژ سالا 2014 سەركردایەتیا هەڤپەیمانییا ناڤدەولەتی لدژی داعشێ ل سووریێ دە دكە و د وێ هەڤپەیمانێ دە زێدەتری (60) دەولەتان بەژدارە ، بێ كو چ ڤەخوەندنەكێ یا رازیكرنەكێ ژ رێژیما سووریێ وەربگرە .

ر.ع

576