ئهردوگان: پهيوهنديێن مه ب رێژيما سووريێ ره ههنه
سهروكێ توركیێ رهجهب تهیب ئهردوگان راگهاند كو وهلاتێ وی ل سهر ئاستهك كێم ونزم پهیوهندیێ ب رێژیما سووریێ ره دكن كو بهریا نهها ژی وهزیرێ درهڤه یێ توركیێ ئهڤ یهك راگهاندبو .
سهروكێ توركیێ رهجهب تهیب ئهردوگان د ههڤدیتنهكه تلفزیونى ده ل گهل كهنالا "TRT" یا توركى دیاركر كو سیاسیهتا وان یا دهرڤه ب رێژیما سووریێ ره بهردهوامه لێ ل سهر ئاستهكى نزم , وبهردهوام كر كو كارێ ههوالگریێ جودایه ژ كارێ سهروك وسیاسهتمهداران .
ئهردوگان د بهردهوامیا ئاخافتنا خوه ده ئهشكهره كر كو سهروك وبهرپرس پهیوهندیێن وان تێن برین , لێ دهزگههێن ههوالگریێ دكارن بهردهوام بن د پهیوهندیێن خوه ژ ده ژ بو بهرجهوهندیێن وهلاتێ خوه ودا دیاركرن كو ئهگهر دوژمنێ ته به ژی پیویسته تو پهیوهندیێن خوه پێ ره نهبرینه .
تهڤى كو د چهند سالێن بورى ده چهندین جاران سهروكێ توركیێ رهجهب تهیب ئهردوگان سهروكێ رێژیما سووریێ بهشار الئهسهد تومهتبار دكر ب تهرورێ وپیویستيا ڤهكشاندنا وى ژ سهروكاتیا سووریێ لێ پشتی كونترولكرنا رێژیما سوورییّ ژ پراینا خاكا سووریێ ره ههلوهستا توركیێ وسهروكێ وێ هاته گوههرتن .
بهریا نهها ژی وهزیرێ دهرڤه یێ توركیێ مولود جاویش اوغلو راگهاندبو كو توركیا وهندهك وهلاتێن دن وێ پهیوهندیێ ب رێژیما سووریێ ره بكن ئهگهر د هلبژارتنهكه دیموقراتیك وئازاد ل سووریێ ب سهركهتن ودا دیاركرن كو پهیوهندیێن وان یێ نه راسته راست ب رێژیما سووریێ ره ههنه .
813
