محمد اسماعیل: ئەنەكەسێ ژ دانووستاندنێن ب پەیەدێ رە رەشبینە
ئەندامێ دەستەیا سەرۆكاتیا ئەنجومانا نشتیمانیا كوردی ل سووریێ(ئەنەكەسێ) و بەرپرسێ رێڤەبر یێ پۆلیتبیروویا پارتیا دەمۆقراتا كوردستان – سوریا،(پەدەكەسێ)، محمد اسماعیل، راگهاند كو ئەنەكەسێ چ ئاتمۆسفێەرەكە باش ژبۆ دانووستاندنێن ب پەیەدێ رە ل جەم پەیەدێ نابینە ورەشبینە دەربارێ دانووستاندنێن ب پەیەدێ رە .
دەربارێ جڤینا ئەمینداریا گشتی یا ئەنجومانێ، محمد اسماعیل ، ئەندامێ دەستەیا سەرۆكاتیێ ژبۆ مالپەرا پارتیێ گۆت:" د جڤینا ئەمیندارییا گشتی یا ئەنەكەسێ دە رەوشا ساسی و نووهترین گوهەرتنێن دەڤەرێ هات باسكرن و ئەمینداریێ نەرینا ئەنەكەسێ دەربارێ رەوشا سیاسی یا نها و هەڤدیتنێن شاندێن ئەنەكەسی ب دەولەتێن جیهانێ رە و جڤینا ب سەرۆك بارزانی رە وهەلوێستا سەرۆك بارزانی و خەمخوارییا وی ژبۆ رەوشا كوردی سووریێ بگرنگ نەرخاندن وتەكەزی ل سەر بەردەوامییا تێكلییان وهەڤدیتنێن ئەنەكەسی ب ئالیێن پەیوەندیدار ب رەوشا سووریێ رە كر .
دەربارێ دەستپێشخەریێن كو ل رۆژئاڤایێ كوردستانێ د دەما بووری هاتبوون راگهاندن، ویەكرێزییا ناڤمالا كوردی دە، اسماعیل ، دا زانین كو، هێژی ئاتمۆسفیرەكە گونجاو ژبۆ دانووستاندنێن پەیەدێ رە نەهاتییە دیتن، وڤەكرنا ئۆفیسێن ئەنەكەسێ وپارتیێن وێ و وئازادكرنا گرتیێن سیاسی وقەپاتكرنا ڤان دۆسەیان وێ باردۆخەكە باش ژبۆ نێزكبوونێ دناڤا مە دە پەیدا بكە، لێ بەلێ دڤێ ڤێ جارێ ئالییەكە ناڤدەولەتیدار مینا گەرەنتیدارەكێ دناڤبەرا مەدە هەبە.
دەربارێ رۆلا ئەنجوومانێ یا سایسی و دبلۆماسی و جەماوەری دە، سەركردەیێ ئەنەكەسێ وەها گۆت:" ئەمینداریێ تەكەزی ل سەر رۆلا ئەنجوومانێ و ئاكتیڤكرنا وێ كر، چ ل سەر ئاستێ دبلۆماسی بە و چ ل سەر ئاستێ نافخوەیی وپێكهاتەێن هەرێمێ بە ، ئەو یەك ژی ب ئارامنجا نەهشتنا هەر مەترسییەكێ ل سەر دەڤەرێو پەیداكرنا ئاشتییا جڤاكی وتووندكرنا وێ.
محمد اسماعیل ، ئەندامێ دەستەیا سەرۆكاتیا ئەنەكەسێ، دەربارێ راگهاندنا ئەنەكەسی دە وەها گۆت:" ئەمینداریێ تەكەزی ل سەر پێشخستنا راگهاندنا ئەنجوومانێ كر وهەروها بگشتی رەوشا ئۆفیسێن ئەنەكەسی وكارۆبارێ وێ ژی هات باسكرن ".
دوه رۆژا ئینێ، ئەمیندارییا گشتی یا ئەنجوومانا نشتیمانییا كوردی ل سووریێ وب ئامادەبوونا دەستەیا سەرۆكاتیێ جڤینا خوە ل باژارێ قامشلۆ كر وتێدە گەلەك مژارێن سیاسی گرێدایێ رەوشا سووریێ وكوردستانا سووریێ گۆتووبێژ كرن.
ر.ع
323
