ل كۆنگرێسێ ئەمریكا هەولا پووچكرنا بریارا ڤەكشانا هێز ژ سووریێ تێ دان

آرك نيوز...ژمارەیەك ژ ئەندامێن ئەنجوومەنێ نوونەرێن ئەمریكا ژ هەردو پارتیێن كۆماری ودیموكراتی پرۆژەیاسایەك دەربارێ پۆشمان بوونێ ئانگۆ پووچكرنا بریارا ڤەكشانا هێزێن ئەمریكی ژ سووریێ پێشكێشكرن .

تۆم مالینووسكی ئەندامێ ئەنجوومەنێ نوونەرێن ئەمریكا راگەهاند كو پرۆژەیاسا , هەولەكە ژ بۆ بەرپرسیاركرنا دۆنالد ترامپ ژ پێشەرۆژا سووریێ رە وپاراستنا سڤیلان ژ گەفێن تەرۆرێ پشتی ڤەكشانا هێزێن ژ سووریێ یە .

مالینووسكی كۆنگرێسمانێ دیموكراتیان گۆتژی پرۆژەیاسایا دووەم دبێژە تو گوژمێ پەرەیان ژ بۆ ڤەكشانا هێزێن ئەمریكی ژ سووریێ نایێ تەرخانكرن , هەتا كو دۆنالد ترامپ بەرسڤا چەند پرسیارەكێ نەدە ,كو ئەوژی ئەڤن .. چاوە گەرەنتیا نەڤەگەرا رێخستنا تەرۆرستی یا داعشێ وێ ب دەست كەڤە , ئەمریكا چاوە وێ هەڤپەیمانێن خوە پشتی ڤەكشانێ بپارێزە , ئەمریكا وێ چاوە سڤیلان ژ ئێریشێن تووندەروان بپارێزە , وڤەكشانا هێزێن ئەمریكی ژ سووریێ وێ چ باندۆرەكێ ل هێزێن رووسیا وئێرانێ ل سووریێ بكە؟

وژئالیێ خوەڤە جۆن كەنەدی سیناتۆرێ ئەمریكی دبێژە د پرۆژەیاسایێ دە تەكەزی ل سەر ب كارئانینا هێز وچەكان هاتیە كرن داكو كورد ل سووریێ وەرنە پاراستن , وهەروەها ل گۆری پرۆژەیاسایێ سەرۆكێ ئەمریكا كارە فەرمانا راستە راست بكە داكو هێز ژ بۆ پاراستنا كوردان ل سووریێ وەرە ب كارئانین .

هەروەها سیناتۆرێ ناڤ هاتی گۆت كو پێویستە بنەمایێن ئەخلاقی د سیاسەتا ئەمریكا یا دەرڤەدە هەبن , وئەركێ ئەخلاقیێ ئەمریكا یە كو كوردان ل سووریێ ژ تەرۆرێ بپارێزە .

ز.ح

742