ئهمهريكا و دهڤهرا ئارام ل باكورێ سووريێ
روژنامهیایهك ئهمریكى راگهاند كو ئهمهریكا ههول دده كو ههڤپهیمانیهكێ ژ وهلاتێن روژئاڤایی چێكه ژ بو ئاڤاكرنا دهڤهرهك ئارام ل باكورێ سووریێ لێ تا نهها ئهو یهك پێك نههاتیه .
روژنامهیا وول ستریت جورنال یا ئهمهریكى ل سهر زارێ بهرپرسێن ئهمهریكى بهلاڤكریه كو وهلاتێ وان دخوازه ههڤیهیمانیهك روژئاڤایی ئامهده بكه داكو بكاره دهڤهرهك ئارام ل باكورێ سووریێ ئاڤابكه لێ ئهڤ یهك هاته رهد كرن ژ ئاليێ هندهك وهلاتان ڤه .
روژنامهیا ناڤبورى دیاركر كو رێڤهبهریا سهروكێ ئهمهریكى دونالد ترامپ دخوازه كو ئهو ڤالاهیا كو ل پشت خوه بهێله ل سووریێ ههڤالبهندێن وێ داگرن لێ پروژهیا وان هاته رهدكرن تهڤی كو سوز دابون كو پشتگریا وێ ژ ئالیێ لهشكهری ڤه بكن .
ژ بلی داگرتنا ڤالاهیێ ئهمهریكا دخوازه ب ریا ههڤپهیمانیا كو وهره ئامهدهكرن رێگریێ ل ڤهگهرا چهكدارێن رێخستنا داعشێ بكه ههروهها رێگرى ل رودانا شهرهكى دناڤبهرا چهكدارێن پهیهدێ و توركیا بكه.
روژنامهیا ناڤبورى تهكهز كر كو ئهمهریكا هیڤى دكه كو بكاربه ههڤالبهندێن خوه رازى بكه ب ڤێ بروژهیێ كو ئهمهریكا دخوازه بریتانیا وفهرهنسا واسترالیا جهێ وان بگرن ل باكورێ سووریێ كو ئارمانجا ئهمهریكا یا سهرهكه ئهوه نهرودانا شهر دناڤبهرا چهكدارێن پهیهدێ و توركیا .
د نیڤێ ههیڤا بورى ده سهروكێ ئهمهریكا بریارا ڤهكشاندنا هێزێن خوه یێن لهشكهرى ژ سووریێ د اكو بیهترێ دو ههزار لهشكهرێن ئهمریكى ل سووریێ ههنه لێ ئهڤ ڤهكشاند تا نهها نه هاتیه جیبهجیكرن وبو جهێ نهرازیبونا گهلهك ئالیان دناڤا ئهمهریكا ودهرڤهی وێ ژی .
510
