مهترسيا پهيهدێ ل سهر پێشهروژا پهيوهنديێن كورد عهرهبان د سووريێ ده ؟
روژ ب روژ ودهنگێن نهرازیبونى ل سهر سیاسیهتا چهكدارێن سوریایا دیموقراتیك كو پهیهدێ بهشهكی سهرهكه یه تێده بێهتر دبه كو د چهند روژێن بوری ده دهوریێن وان هاتن دهركرن ژ رهقایێ ههروهها ناڤهندێن وان هاتن شهوتاندن لێ یا ههرێ خهراب ئهوه كو ئهو ب چهكدار ب سهر كوردان تێن حساب كرب لهوما ئهگهرا پهیدابونا فتنه وكینيێ دناڤبهرا خهلكێن وان دهڤهران وكوردان .
تهڤی كو چهكدارێن پهیهدێ ب ههزاران جوانێن كورد كرن قوربانى د بهر رێزگاركرنا پارێزگهها رهقایێ وههولێن وێ یێن ههردهم ژ بو رازیكرنا خهلكێ دهڤهرێ لێ ئوپوزسیونا پهیهدێ ل وێ دهڤهرێ روژ ب روژ بێهتر دبه .
ئاژانسا سپوتنیك یا روسی راگهاند كو د 23 و 24 ڤێ ههیڤێ هوزێن عهرهب ل گوندهوارێ رهقایێ ئیریشێ چهكدارێن پهیهدێ و قهسهدێ كرن وبارگههێن وان شهوتاندن .
ههروهها ئهشكهره كر كو باژاروكێن منصوره وهنیده وصفصافه ل دژی پهیهددێ رابون د ئهنجاما كوشتنا چهكدارێن پهیهدێ ژ جوانێ بناڤێ زین حامد الزین وبرینداركرنا سێ جوانێن دن یێ وان هوزان كو خهلكێن وان باژاروكان ئیریشی ناڤهندێن چهكدارێن پهیهدێ ل باژاروكێن خوه كرن وشهوتاندن وچهكدارێن وان دورپێچ كرن .
ههر ل گوری ئاژانسا ناڤبوری كو ژ بهر فشارا هوزێن باژاروكێن صفصاف ومزرعه الصفصاف وپشتی شهوتاندنا ناڤهندێن چهكدارێن پهیهدێ چهكدارێن ناڤبوری نهچار بون كو خوه ژ ههردو باژاروكان ڤهكشینن .
ههروهها ل تورێن جڤاكی كورته ڤیدیویهك هاته بهلاڤكرن تێده دیار دبه چهكدارێن پهیهدێ گولهیان ب سهر خوپێشاندهران ده بهرددن ب ئارمانجا ترساندنا وان كو ئهڤه دهمهكه خوپێشاندانێن نهرازیبونێ ل رهقا وگوندهوارێن دهردكهڤن ل دژی تهقین وتهروركرنا كو ل دهڤهرێ رودده ددن .
ژ دهستپێكا كونترولكرنا چهكدارێن پهیهدێ ژ باژارێ رهقا ره وێنهیهكه مهزن یێ عبدالله اوجهلان ل باژار بلند كرن ههروهها ب سهدان ژ چهكدارێن داعش سهربهست بهردان ژ بلی تهروركرنا وگرتن وبنچاڤ كرنا بهردهوام وقهدهغهكرنا هاتن وچونێ هێلا كو خهلكێن دهڤهرێ ل دژی پهیهدێ دهركهڤن .
خهلكێ بازارێ رهقایێ دزانن كو چهكدارن كورد باژارێ وان كونترول دكه لهوما ب ههمی ریان ههول ددن كو ڤان چهكداران ژ باژارێ خوه دهرخینن كو ئهڤ مهترسیهكه مهزنه ژ بهر كو پهیهدێ پهیوهندیدا كوردان بگشتی ل گهل ههڤبهش وجیرانێن خوه د سووریێ ده تێك دده ژ بهرجهوهندیێن خوه یێن تایبهت كو ئهڤ باندورهك وێ یا مهزن وێ ههبه ل پێشهروژا گهلێ كورد د سوریا پێشهروژێ ده .
581
