داوین پێشهاتەیێن دەڤەرێن كێمكرنا ئاستێ شەر لسوریێ

ارك نيوز .. پشتی دەرباسبوونا سالەكی لسەر رێكەفتنا ناڤبەرا توركیێ و روسیێ دەربارێ دەڤەرێن كێمكرنا ئاستێ شەر لسوریێ كو ب رێكەفتنا پۆتین و ئەردۆغان تێ بناڤكرن ، لێ هینژی دەڤەرێن كێمكرنا ئاستێ شەر لسوریێ بتایبەتی هەردوو گوندەوارێن ئدلب و حمایێ راستی ئێریش و ئۆپەراسیۆنێن ئەسمانی ژ ئالیێ بالافرین شەر یێن ریژیما ئەسەد و روسیاڤە تێن هەری داوی ژی ئارمانجكرنا دەردۆرا ئدلب و ناڤچەیێن حمایێ ژ ئالیێ ریژیم و روسیاڤە .

رەوانگەها سوریێ یا مافێن مرۆڤان راگهاند كو راگهاندنا ئاگربەستا راوەستاندنا شەر ل دەڤەرێن كێمكرنا ئاستێ شەر لسوریێ ژ ئالیێ روسیا و توركیێ ڤە لی رۆژانە ئەو ناڤچە تینە ئارمانجكرن و قربانی ناڤبەرا كوشتی وبریندار دكەڤن ..

رەوانگەهێ ب بەلگە ئەشكەرە كر كو ژ دەما ئمزەكرنا وێ رێكەفتنێ وەتە بەریا سالەكێ و تا نها هەژمارا گشتی یا قربانیێن ئێریشین رێژیم وروسیا گهشتیە چارسەد و سیه كەسی كو ژبەر وان ئێریشان جانێ خوە ژ دەست دانە سەرباری دەربەدەربوونا بێهتر ژ مەلیۆن كەسی ژ وان ناڤچەیان.

رەوانگەهێ زیانێن جانی یێن ئێریشێن كو ژ ئالیێ بالافرێن شەر یێن رێژیم وروسیا هاتنە پێكئانین دیار كریە ئەوژی ب ڤی ئاوایی یە :
ژ دەما راگهاندنا ئاگربەستا راوەستاندنا شەر لژێر ناڤچەیا پۆتین – ئەردۆغان كو د پێنجێ ئادارا دووهەزار وبیستەهان دە هاتە كرن تا ریكەفتا چارێ ئادارا دووهەزار وبیست ویەكێ چارسەد و بیست و نەه كەس هاتنە كوشتن ، ژ وان چل و نە كەس كو دەه زارۆك و نەه ژن دناڤ واندە هەنە ژ ئالیێ رێژیما ئەسەد ڤە هاتنە كوشتن ، هەروەها سیه ویەك كەسێن دن ژی دناڤ واندە زارۆكەك و شەش ژن هەنە د ئێریشین روسی دە جانێ خوە ژ دەست دانە ، سەرباری كوشتنا دووسەد و چل دوو چەكدار ژ گروپێن چەكدار و تەرۆریست و چەكدارین بسەر ریژیمێ د ئەنجاما ئێریشێن ئەسمانی و بەژایی دە ل هەمان دەڤەران .

هەروەها رەوانگەها سوریێ یا مافێن مرۆڤان دا زانین كو ژ دەما راگهاندنا ئاگربەستا نوو ناڤبەرا توركیی وروسیی دە ، و تا رۆژا ئیرۆ بالافرێن شەر یێن روسی ژ ئالیێ خوەڤە پێنجی و پێنج چاران دەڤەرێن كێمكرنا ئاستێ شەر ل گوندەواری حەلەب حما ادلب و لازقیێ ئارمانجكرنە كو د وان پێنجی و پێنج جاران دە سێسەد و بیست ئۆپەراسیۆنێن ئەسمانی پێك ئانینە و د ئەنجامێ دە زیانێن مادی و جانی مەزن هاتن روودان .

ژ ئالیێ خوەڤە ژی هێزێن رێژیما ئەسەد و مێلیسین بسەرڤە ئێریشێن بەژایی ل هەمان دەڤەران پێك ئانینە بتایبەت ئارمانجكرنا وان ژ باژارێ ئدلب و دەڤەرا سهل الغاب و چیایێ كورمێنج هەروەها باشورێ گوندەواری ئدلبێ كو د وان ئێریشێن بەژایی دە رێژیمێ كاریە چار هەزار و پێنسەد تۆپ و مووشەكان باڤێژە وان ناڤچەیان .

دەربارێ لڤ و تەڤگەرا لەشكەری یا توركی ل دەڤەرێن كێمكرنا ئاستێ شەر لسوریێ ، رەوانگەهێ دیار كر كو هێزێن توركی د لەڤ و تەڤگەرا خوە یا لەشكەری دناڤا خاكا سوریێ دە بەردەوامە و هینژی كارۆانێن خوە یێن لەشكەری ولۆجستیك رێدكن خالێن خوە یێن چاڤدێریێ هەری داوی ژی دەرباسبوونا سیه و پێنج ئالاڤێن لەشكەری توركی بۆ گوندەواری ئدلبێ كو تا نها هەژمارا گشتی یا ئالاڤێن لەشكەری توركی یێن كو دەرباسی دەڤەرا كێمكرنا ئاستی شەر بوونە گهشتیە 11835 ئالاڤی .

سەربارەتی ڤەكشانا هێزێن توركی ژ خالێن خوە یێن چاڤدێریێ ، رەوانگەهێ ئەشكەر كر كو هەژمارا خالێن چاڤدێریێ یێن توركی ل سوریێ گهشتیە دووازدە خالان ، ژ حەفت خالێن خوە ڤەكشیانە و ڤالاكرنە ئەوژی د چارچۆڤەیا پرۆسەیا ڤەكشانا هێزێن توركی ژ خالێن چاڤدێریێ بتایبەت ل دەڤەرێن ژیر كونترۆلا رێژیما ئەسەد كو تا نها توركیێ خوە ژ خالێن خوە یێن ل دەڤەرا مۆرك ، شێر مغار لگوندەواری حمایێ ، وعندان والراشدین و العیس والشێخ عقیل لگوندەوارێ حەلەبێ ڤەكشاندنە و سەربار كر كو پرۆسەیا ڤەكشانێ ژ وان خالان ژ ئالیێ توركیێ ڤە بەردەوامە و بریارە د رۆژێن بێ دە هێزێن توركی خوە ژ تەڤایا خالێن خوە یێن چاڤدێریێ یێن ل دەڤەرێن بن كۆنترۆلا ریژیمێ ڤەكشینە و وان خالان ب تەمامی ڤالا بكن .

316