ئێزنستات: ئیسال شەرێ مەزن یێ رۆژهلاتا ناڤین وێ دەستپێ بكە
آرك نيوز.. توێژەرێ سیاسی ورێڤەبەرێ پرۆگراما ڤەكۆلینا لەشكەری وئەمنی ل پەیمانگەەها واشنتۆن بۆ سیاسەتا رۆژهلاتا ناڤین د شرۆڤەیەكێ دە راگەهاند كو د سالا ( 2019 ) ان دە چاڤەرێا دەستپێكرنا شەرێ مەزن ل رۆژهلاتا ناڤین تێ كرن .
مایكل ئێزنشتات رێڤەبەرێ پرۆگراما ڤەكۆلینا لەشكەری وئەمنی ل پەیمانگەەها واشنتۆن بۆ سیاسەتا رۆژهلاتا ناڤین ب ئالیكاریا نەداڤ بن حور ئەفسەرێ پلە بلندێ ئارتێشا بەرەڤانیا ئیسرائیلێ نڤیسیە كو ل رۆژهلاتا ناڤین پێشبینی تێ كرن كو شەرەكی مەزن ناڤبەرا ئیسرائیل وحزب الله یێ لوبنانی دە وێ وەرە ئەنجامدان .
هەروەها ئیزنشتات گۆت كو ئیسرائیل وحزب الله یێ لوبنانی وێ دو ئالیێن سەرەكە یێ شەر بن , و چەندین میلیسیاتێن شیعە مەزهەب ورژێما ئەسەد وێ تەڤلی وی شەری ببن , وشەر دەرباسی ناڤچەیێن دەردۆرا لوبنانێ وئیسرائیل ژی ببە .
شرۆڤەكارێ سیاسی دبێژە كو ئەڤ پێشبینی هاتنە كرن , پشتی پشت گرێدانێ ب ئالۆزێن داوی یێ ناڤچەیێ وب تایبەتی شەرێ سەر سنوورێ ئیسرائیل , وتەكەز كو ئەگەر هەیە شەر ناڤبەرا ئێران وئیسرائیل دە ل ناڤا خاكا سووریێ رووبدە.
ئێزنشتات وبن حور دبێژن كو مەترسیا ئیسرائیل ژ دو تشتێن سەرەكە هەیە , یەك ژوان حزب الله دخوازە چەكێن پێشكەتی ب ئالیكاریا ئێرانێ ل سەر خاكا سووریێ ولوبنانێ دروست بكە , كو ئەو چەك كارن ژێرخانەیا ئیسرائیلێ برووخێنن , ویا دوێ ئەوە كو ئێران دخوازە سووریێ بكە بنگەها ئەنجامدانا ئێریشان بۆ سەر ئیسرائیلێ .
توێژەرێ سیاسی , وفەرماندارێ لەشكەری یێ ئیسرائیلێ تەكەز كرن كو ئیسرائیل هەولا خوە پاراستنێ ددە ژ ئەنجامدانا شەر , لێ د هەمان دەمێ ئیسرائیل قەبوول ناكە كو مەترسی ل سەر دروست ببە .
ز.ح
680
