ئهمهريكا دبێژه تو خشتهێن دهمێ ژ ڤهكشانا وان ژ سوريێ تونهيه
ئارك نيوز.. بهرپرسنه پله بلند دوهزارهتا دهرڤه يا وهلاتێ ئهمهريكا ده راگههاندن كو تو خشتهێن ڤهكشانا ئهمهريكا ژ سوريێ نه هاتنه دهست نيشان كرن , و ئهگهر ههيه هێزێن وان بمينن تا كو رێخستنا داعش يا تهرورست ل سوريێ وهره ژناڤ برن .
وي بهرپرسێ ئهمهريكي ئهشكهرهكر كو ئهوێ چارهيهكي ژ تێك برنا رێخستنا داعش يا تهرورست ره بيبينن تا كو وهره ژ ناڤ برن د ههڤ دهمێ كو ئهمهريكا نه ب نيازه دهمهكي درێژ بمينه د سوريێ ده .
ژ ئاليي خوهڤه ئاژانسا رويتهرز ل سهر زارێ بهرپرسنه ئهمهريكي بلاڤ كرن كو ڤهكشانا هێزێن ئهمهريكي ژ سوريێ ئهگهر ههيه چهند مهان درێژ بكه بێ كو ئهوژێ دهمێ دهست نيشان بكه.
ل واشنتون پايتهختا ئهمهريكا گونگرهك شيوهرمهنديێ د ناڤ بهرا وهلاتێن ههڤپهيمان د شهرێ رێخستنا داعشێ ده هاته لدارخستن تێده بهشداربويان مژارا ڤهكشانا ئهمهريكا و باندورا وێ ل سهر وهلاتێن ههڤپهيمان د شهريێ داعشێ گهنگهشهكرن , د ههڤدهمێ كو پيويستبو شهرێ رێخستنا داعش يا تهرورست گهنگهشبكن .
ئارمانجا كونگر ئهو كووهزيرێن 79 وهلاتان ين كو ههڤ پهيمانن د شهرێ رێخستنا داعش ده د 7 مها دوان كوم بكه تا كو شهرێ داعشێ گهنگهشهبكن .
لێ بهلێ كونگرێ دهسپێكي بريارا سهروكێ ئهمهريكا دونالد ترامپ ژ ڤهكشانا هێزێن ئهمهريكي ژ سوريێ گفتوگو كرن ژديڤلا شهرێ داعشێ .
تێ زانين كو سهروكێ ئهمهريكا دونالد ترامپ د 19 بهرچلهيا سالا بوري ده راگههاند كو ئهوێ د دهمهكي كورت ده تهڤاهيا هێزێن خوه ژ سوريێ ڤهكشينن ژبهر كو شهرێ رێخستنا داعش يا تهرورست ل سوريێ بداوي هاتيه .
Z.H
376
