روسيا: بهريا ئهم دهرباسى سووريێ ببن, بتهنێ 8 % د بن دهستێ رێژيما سووريێ ده مابو
وهزارهتا دهرڤه یا روسی راگهاند كو ب ههزاران چهكدارێن روسی بهشداری د شهرێ سووریێ ده كرن كو پرانیا وان سهركرده وئهفسهرێن ئارتێشا روسیا بون د ههمى وار و بهشان ده .
ئاژانسا انترفاكس ل سهر زارێ وهزارهتا دهرڤه یا روسیا بهلاڤ كر كو نیزیكی 68 ههزار لهشكهرێن روسی بهشداری د شهرێ سووریێ ده كرن دناڤ وان ده 460 جنرال ههبون كو ئهفسهرێن ئارتێشا روسیا بون .
داخویانیا ناڤبوری ئهشكهره كر كو پرانیا لهشكهرێن كو بهشداری د شهرێ سووریێ ده كرن ئهفسهرێن ئارتێشا روسیا بون وبهرپرسێن ئارتێشا بهژاری وئاسمانی وهێزێن بهرهڤانیا ئاسمانی بون .
داخویانیا ناڤبوری ئهشكهره كر كو 87 % ژ كادرێن بالافرێن تهكنیكى و 97% ژ كادرێن ئارتێشێ و 97 % ژ كادرێن ڤهگوههستنا لهشكهری و 60 % ژ كادرێن بالافرێن استراتیجی هاتن پێشكهتن د دهما كارێ خوه ده ل سووریێ .
وهزارهتا دهرڤه یا روسیا سهرباركر وگوت كو بهریا كو روسیا دهرباسی سووریێ ببه 92 ژ خاكا سووریێ دبن دهستێ ئوپوزسیون وگروپێن تیروریستی دهبون لێ نهها رێژیما سووریێ نیزیكى 96.5 % ژ سووریێ كونترول دكه .
د داویا دادخویانیا خوه ده وهزارهتا ناڤبوری بالكشاند سهر وێ یهكێ كو روسیا بێهتری 300 ژورێ چهكان ل سووریێ بكارئانی ژ سالا 2015ان ده وتا نهها كو دناڤ وان ده سیستهمێن بهرهڤانیا ئاسمانی بانتسیر اس 2 وتانكهرێن ترمیناتور 2 وروبوت أوران 9 وگهلهك ژورێن دن یێن چهكێن پێشكهتی .
429
