ئهمهريكا بهحسا شاندندا هێزێن عهرهبى ژ بو سووريێ دكه
بهرپرسهكی ئهمریكی بهحسا پلانێن وهلاتێ خوه كر دهربارێ چونا هێزێن عهرهبی ژ بو سووریێ وراگهاند كو تو پلانێن ئامهدهكرى دهربارێ شاندنا ڤان هێزان ل جهم وان نینه .
ئاژانسا رویتهرز ل سهر زارێ بهرپرسهكی پلهبلند د وهزارهتا دهرڤه یا ئهمهریكا ده راگهاند كو ئهمهریكا تو پلان ل جهم وێ نینه ژ بو بجهكرنا هێزێن عهرهبی ل جهێ هێزێن ئهمریكى ل سووریێ و ئهشكهره كر كو ئهمهریكا تو دهمهكه دهستنیشان كری ژ بو كشاندنا هێزێن خوه دهست نیشان نهكریه .
بهرپرسێ ناڤبوری ههروهها تهكهز كر كو ئهمهریكا ههتا دهمهك درێژ د سووریێ ده نامینه لێ تو دهمێن دهست نیشان كرى ژی ژ بو ڤهكشاندنا هێزێن ئهمریكی ژ سووریێ نینه .
بهرپرسێ ناڤبوری سهرباركر وگوت كو سهروكێ ئهمهریكا دونالد ترامپ بریا ردا كو پلانهكێ دانن ژ بو ڤهكشاندنا هێزێن ئهمریكی ژ سووریێ لێ ئهگهر ههیه پشتی سهرهدانا وهزیرێ دهرڤه یێ ئهمهریكا مایك بومبیو ژ بو دهڤهرێ حهفتیا بێ پلانێن ئهمریكی ئهشكهره ببن .
ئهڤ گوتن تێن د دهمهكێ ده كو هندهك ژێدهرێن ئهمریكی بهحسا وێ یهكێ كرن كو ئهمهریكا دخوازه سعودیێ رازى بكه ژ بو شاندنا هێزێن عهرهبی ژ بو سووریێ كو جهێ هێزێن ئهمریكی بجه ببن ههڤدهمی ڤهكشاندنا هێزێن ئهمریكی ژ سووریێ .
ژێدهرێن ناڤبوری ههروهها دان زانین كو رامانهك دن ژی ل جهم ئهمهریكا ههیه كو نهها ئهنجومهنا ئهولههیا نهتهوی گفتوگو دكه ئهو ژی كو سعوددیێ ببه وهلاتهكی ب پلهیا ههڤپهیمانیێ سهرهكه ژ ناتو ره ژ دهرڤهی وێ ئهگهر ل سهر شاندنا هێزێن عهرهبی ژ بو سووریێ ئهرێ كرن .
387
