كوێت .. پێشبينيا ڤه‌كرنا هه‌ژماره‌ك دن ژ باليوزخانه‌ێن عه‌ربي ل سوريێ دكه
ئارك نيوز .. وه‌لاتێ كويت پێشبينيا ڤه‌كرنا هه‌ژماره‌كه دن ژ باليوزخانه‌ێن عه‌ربي ل شاما پايته‌ختا سوريێ كر پشتي كو ولاتێ ئيمارات و به‌حرێن ڤه‌كرنا باليوز خانه‌ێن خوه ل سوريێ راگه‌هاندين.
چيگرێ وه‌زيرێ ده‌رڤه يي وه‌لاتێ كوێتێ خالد جاره‌لله دوه 31/12/2018 راگه‌هاند كو هه‌ژماره‌ك دن ژ وه‌لاتێن عه‌ربي د روژێن بێ ده وێ باليوز خانه‌ێن خوه ل شاما پايته‌ختا سوريێ ڤه‌كن وه‌كو نێزێكبونه‌ك ژ رژێما ئه‌سد ره پشتي كو كومكارا عه‌ربي بريارا گرتنا ته‌ڤاهيا باليوزخانه‌ێن عه‌ربي ل سوريێ ده‌ركر د سالا 2011 ده .
وه‌زيرێ كوێتي راگه‌هاند كو وه‌لاتێ وي ب چ شێوه‌يكي باليوزخانه‌يا خوه ل سوريێ ڤه‌ناكه‌ئه‌گه‌ر نه ب بريارا كومكارا عه‌ربي به .
جاره‌لله سه‌رباكر كو وه‌لاتێن كه‌ندافي ئانگو خه‌ليجي وێ د روژێن بێده بێهتر په‌يوه‌نديا خوه خوه‌شبكن ل گه‌ل رژێما ئه‌سد وه‌كو گاڤه‌كي كو سوريا ب گشتي ل به‌ر توركي و رژێما ئيرانێ نه كه‌ڤه .
لگورێ ژێده‌ركي ئاژانسا رويته‌رز ره ئه‌شه‌كه‌ره‌كري كو ئه‌گه‌ر هه‌يه بێهتريا وه‌لاتن عه‌ربي په‌يوه‌ندين خوه ب رژێما ئه‌سد ره ئه‌كتيڤ بكن و و چاره‌كه دن كورسيێ به‌شار ئه‌ئه‌سد د كومكارا عه‌ربي ده ئه‌كتيڤ بكن پشتي حه‌فت سالان ژ جه‌مدان دنێ .
تێ زانين كو وه‌لاتێ ئيمارات و به‌حرێن د روژێن بوري ده باليوز خانه‌ێن خوه ل شاما پايته‌ختا سوريێ ڤه‌كرن و ژبه‌رێ ئيماراتێ سه‌روكێ سودانێ عمر ئه‌لبه‌شير سه‌ردانا رژێما ئه‌سد كربو .
ڤه‌كرنا وه‌لاتێن عه‌ربي ل سه‌ر رژێما ئه‌سد ل گوريێ ئوپوزيسيونا سوريێ نه گاڤه‌كه ئه‌رێنيه ژبه‌ر كو رژێما ئه‌سد ره‌واتيا خوه ژ ده‌ست دايه و ئێدي ب چ ئاوايه‌كي نكاره شه‌ش مليون په‌ينابرێن سوريێ رازيبكه و تاوانێن خوه لسوريێ ل دژي مروڤاتيي ره‌ش بكه و چاره‌نڤيسا ئه‌سه‌‌د تنێ دادگه‌ها ناڤ ده‌وله‌تيه .
z.h
236
