كریزا غازێ ل حهلهبێ دهركهتیه
تاخا ئهشهرفیێ یهك ژ تاخێن باژارێ حهلهبێ یه كو ئهو تاخ پرانییا نشتهجیێ وێ كوردن ئیرۆ راستی كریزهكه غازێ هاتیه وژبهر كێمبوونا مادهیێن غازێ خهلكێ وێ تاخێ گلی وگازنێن خوه دكن .
ل گۆر پهرچه ڤیدیۆهك ل سهر تۆرا جڤاكی یا فێسبووكێ ژ تاخا ئهشهرفیێ بهلاڤبوویه تێده دیار دبه كو كریزهك غازێ چێبوویه و خهلك ژ بۆ چهند دهمژمێران رادوهستن داكو پارا خوه ژ وێ مادهیێ وهرگرن.
د ههمان ڤیدیۆیا هاتیه بهلاڤكرن تێده ب دههان ژ نشتهجیێن وێ تاخێ ل كۆلانا ناڤهندا پۆلیسان كو ب حاره مخفر تێ ناسكرن راوستیانه ول بهندا ورگرتنا پارا خوه نه و گهلهك جاران وهلاتی نكارن د ههمان رۆژێ ده وهرگرن ونهچار دبن ژ بۆ رۆژهكه دن راوهستن.
ل گۆر ئاگاهییێن كو ب دهستێ ئاركێ كهتنه كو ئهو كریز پرانییا تاخێن حهلهبێ ل خوه گرتیه وكێمبوونهك د مادهیا غازێ ده ههیه وژبهر وێ یهكێ خهلك گلی وگازنێن خوه ژ كێمبوونا غازێ ددن خویاكرن.
تاخا ئهشهرهفیێ و شێخ مهقسوود ههردوو تاخێن سهرهكه نه كو ب تاخێن كوردان ل پارێزگهها حهلهبێ تێنه ناسكرن وخهلكێ ههموو ههرێمان ژ عهفرینێ و كۆبانێ و جزیرێ لێ ههنه لێ پرانییا وێ خهلكێ عهفرینێ نه كو ئهو خهلك د دهما رێژیما بهعس ده ژ بهر نهبوونا كار وسیاسهتێن تهعریبكرنێ ل عهفرینێ بهرێ خوه دان حهلهبێ و دهردۆرا سێسهد ههزار ژ كوردێن عهفرینێ ل وان ههردوو تاخان ههروهها بستان باشا سریان هلك وهن تاخێن دن ب جه بوون .
لێ د چارچۆڤهیا چهند سالان ده ژ بهر شهرێ كو هاتیه سهرێ حهلهبێ پرانییا وان جارهكه دن ڤهگهریان وارێن خوه ل عهفرینێ وكاروبارێن خوه ژ كارگههێن درووتنێ و تتریسێ و كارگههێن دن یێن پێدڤیێن دهسپێكی ل عهفرینێ ڤهكرن .
شهرێ 20 مههێ بهرچهله 2018ان كو د 58 رۆژان ده بهردهوام كر پرانییا خهلكێ عهفرینێ ژ مال ووارێن خوه دهركهتن وبهشهك ژ وان دریا قاچاغیێ ره دهرباس حهلهبێ بوون ودووبارا دهست ب كارێ خوه كرن ههروهها بهشهك ژ ناڤ كامپان ده و دهردۆرا حهلهبێ مان .
ش.ع
403