محسن طاهر: چارسەریيا كریزا سووریێ نیزیك بوییە و دێ نە ل گۆر قوربانیێن مللەتێ سووریێ بە

ئەندامێ پۆلیتبیروویا پارتی دەمۆقراتی كوردستان – سوریا (پەدەكەسێ)، محسن طاهر:" تەڤی كو بریارا ترامپ یا ڤەكشینا هێزێن ئەمەریكی ژ سووریێ، ناكۆكی دناڤا قادا سیاسی دە دەرخستن و گەهشتە ئاستێ كو هنەكە رایەدەرێن ئەمەریكی مینا وەزیرێ بەرڤانێ جیمس ماتیس دەست ژكارێن خوە بەردن ، لێ ئەز چ ناكۆكی د بریارا ترامپ دە نابینم و سەرۆكێ ئەمەریكا دۆنالد ترامپ، د بریارا خوە دە، رژدە، ودی هێزێن ل گۆر خشتەیەكی دەمێ دیار كو دگهێژە (100) رۆژی، وئەڤ دەرفەت گەلەكی نیزیكی ب داوی هاتنا داعشێ ودوورخستنا وێ ژ سووریێ یە ".

سەركردەیێ پەدەكەسێ، محسن طاهر، دەربارێ ناكۆكیێن دناڤبەرا ئەمەریكا ورۆسێ و توركێ دە، دا زانین كو سەرباری ناكۆكییەك دەنگ بلند د شێوەیێ تێكلیا دناڤبەرا رۆسێ وئەمەریكا دە دیار دبە، لێ ئەز باوەرم هەردو ئالی ژی دێ پێشبركیێ ژبۆ رازیكرنا توركیێ بكن، وهەول بدە توركیێ بكشینە ئالیێ خوە، مینا ئالییەكی ناڤدەولەتی و هەرێمێ تێكلدار ب رەوشا سووریێ رە، لەوما ئەز دبینم دێ رۆژین بێ دە، هەڤپەیمانییەكە نوو ئاڤا ببە، ئەوژی دێ هەڤپەیمانیا ئەمەریكا ، رۆسێ و توركیێ بە و ب پشتەڤانیا دەولەتێ كەنداڤا عەرەبی ودێ پلانەكە نوو ژبۆ پاشەرۆژا سووریێ وەرە نەخشەكرن".

د لێدوانەكە رۆژنامەڤانی دە، دوه(31.12.2018)، ئەندامێ پۆلیتبیروویا پەدەكەسێ، ئەشكەرە كر، كو خوەندنا رۆژەڤا نوو یا دوور ژ داخواز و ڤینا و كارڤەدانێن دلسۆزی، دیار دكە ، دێ كار د سووریێ دە د بەرژەوندیا پرۆژەیا رۆسی توركێ دە بە ل سەر حسابێ رۆلا لەشكەری یا ئەمەریكی وئەڤ یەك ژی دێ، هێزێن لەشكەری كوردی بەرڤە گۆشەیەكە تەنگاڤ ببە وبژاردەیێن وێ دێ گەلەكی زەحمەت و تەحل بن، وب ڤی ئاوایی دێ رۆلا وێ ل سەر ئاستا مەیدانی ل رۆژهلاتێ چەمێ فراتێ و هەرێمێن كوردی دە، پاشدە ڤەگەرە پشتی نەمانا شەرێ داعشێ ل رۆژهلاتێ سووریێ دە.

د داویا لێدوانا خوە دە، ئەندامێ پۆلیتبیروویا پارتی دەمۆقراتی كوردستان – سوریا (پەدەكەسێ)، محسن طاهر:" سیناریۆیێ گەهشتن ب داویا كریزا سووریێ نە دوورە ، ژبەر كو هێزێن ئاكتیڤ د بازارێن سیاسەتا ناڤدەولەتی دە دناڤبەرا خوە بازارێن پەڤگوهەرتنێ دكن و وچارەسەریان نیزیكی هەڤ دكن، بێ گۆمان دێ ئەڤ چارسەرییە نە ل گۆر قوربانیێن مللەتی سووریێ و مافێن رەوا یێن نەتەوی و ئۆلی و مەزهەبی یێن پێكهاتەیێن سووریێ بە".

ر.ع

504