ئیبراهیم برۆ: رۆژئاڤایێ كوردستانێ د رەوشەكە مەترسیدار وچارەنڤیسساز رە دەرباس دبە
آرك نيوز..كەنەكە وەكە هەموو جار دەستپێشخەریە ژ بۆ یەكرێزیا ناڤمالا كوردی پێشكێشكریە , وئەندامێ كۆمیتەیا پەیوەندیێن دەرڤە یا ئەنجوومەنا نشتیمانی یا كورد ل سووریێ , دبێژە ئەو دەستپێخەری پرۆپاگەندەیە ژ بۆ پەیەدە .
د لێدوانەكە تایبەت دە ژ بۆ ئاركێ ابراهیم برۆ ئەندامێ كۆمیتەیا پەیوەندیێن دەرڤە یا ئەنجوومەنا نشتیمانی یا كورد ل سووریێ , وئەندامێ كۆمیتەیا سیاسی یا پارتیا یەكیتی كوردستانی ل سووریا راگەهاند كو ئەنەكەسە نە ئاگەهدارە ژ دەستپێشخەریا كەنەكە , وبەردەوام د وەختێن هەستیار دە كەنەكە پرۆپاگەندەیێ ژ بۆ پەیەدە دروست دكە , وئەڤ دەستپێخەری ژی یەك ژ وان پرۆپاگەندەیانە.
هەروەها ابراهیم برۆ گۆت كو یەكرێزیا ناڤمالا كوردی ب تەنێ د دەمێ هەبوونا فشاران ل سەر پەیەدە , ژ ئالیێ پەیەدە ڤە تێ بەحسكرن , وپەیەدە ب ڤێ سیاسەتا خوە یا شاش كارەسات ونەهامەتیان ب سەر رۆژئاڤایێ كوردستانێ دە تێنە .
ئەندامێ كۆمیتەیا پەیوەندیێن دەرڤە یا ئەنجوومەنا نشتیمانی یا كورد ل سووریێ سەرباركر كو كەنەكە د دەمەكی دە داخوازا یەكرێزیا ناڤمالا كوردی دكە , وپەیەدە باسكێ پەكەكە د بنپێكرن , بنچاڤكرن , دەستەسەركرن , وتالانكرنێ دە بەردەوامە .
ئەندامێ كۆمیتەیا سیاسی یا پارتیا یەكیتی كوردستانی ل سووریا بهتر گۆت كو پەیەدە ژ بۆ یەكرێزیا ناڤمالا كوردی بەردەوام ئاستەنگیان دورست دكە ومەرجێن تەعجیزی ددەینە , وژ بۆ رادەستكرنا رۆژئاڤایێ كوردستانێ بۆ رژێما ئەسەد تو شەرت ومەرجێن پەیەدە نینن , وئەڤ بخوە دوفاقیە ژ ئالیێ پەیەدە ڤە .
د بەردەوامیا گۆتنا خوەدە ابراهیم برۆ گۆت كو تەڤایا رژێمێن دكتاتۆر ل جیهانێ سیاسەتا وان ژ یا پەیەدە باشترە , وپەیەدە ب تەنێ سیاسەتا خوە فەرز دكە , وئەگەر ئەو نە دەستهلاتدار بە , وێ وەلات وێران بكە .
هەروەها ابراهیم برۆ تەكەز كر كو ئەگەر پەیەدە د سیاسەتا خوە دە بەردەوام بە , ب تەنێ كارەسات ونەهامەتی چاڤەریا كوردان ل رۆژئاڤایێ كوردستانێ دكن , وتەڤایا سیناریۆیێن كو نها ژ بۆ پێشەرۆژا رۆژئاڤایێ كوردستانێ تێنە پێشبینیكرن , مەترسیدارن .
د داویا گۆتنا خوەدە ئەندامێ كۆمیتەیا سیاسی یا پارتیا یەكینی كوردستانی ل سووریا گۆت كو سیناریۆ هەری باش ژ بۆ رۆژئاڤایێ كوردستانێ د دەما نهادە ئەوە كو پەیەدە سیاسەتا خوە بگوهارە , وروو ل ئەنجوومەنا نشتیمانی یا كورد ل سووریێ بكە , وریێ بدە ڤەگەرا لەشكەرێ رۆژ بۆ رۆژئاڤایێ كوردستانێ , ورێكەفتنەك ب سەرپەرشتیا ئەمریكا ویان ژی رووسیا وەرە كرن .
ز.ح
698
